న్యూజెర్సీలో MATA ఉచిత ఆరోగ్య శిబిరం.. తేదీల వివరాలు ఇవే

MATA: సమాజ ఆరోగ్య సంరక్షణే లక్ష్యంగా ‘మన అమెరికన్ తెలుగు సంఘం’ (MATA), న్యూజెర్సీలోని ఎడిసన్ నగరంలో ఉచిత ఆరోగ్య పరీక్షా కేంద్రాన్ని ఏర్పాటు చేసింది. సమాజానికి అవగాహన, నివారణా జాగ్రత్తలు, ఆరోగ్యకరమైన జీవనశైలిని ప్రోత్సహించేందుకు ఈ కార్యక్రమం చేపట్టినట్లు నిర్వాహకులు తెలిపారు.

అందించే వైద్య సేవలు..
ఈ కేంద్రంలో అనుభవజ్ఞులైన వైద్య నిపుణులు, స్వచ్ఛంద సేవకుల ద్వారా కింది సేవలు ఉచితంగా అందుబాటులో ఉన్నాయి.

• ఆరోగ్య సలహాలు (Health Consultation)
• రక్తపోటు, రక్తంలో చక్కెర, కొలెస్ట్రాల్ పరీక్షలు
• BMI పరీక్ష
• ఫిజికల్ థెరపీ మూల్యాంకనం
• మానసిక ఆరోగ్య పరీక్షలు
• ఫ్లూ వ్యాక్సినేషన్
• CPR శిక్షణ
• ప్రజారోగ్య అవగాహన, BS/MD అవగాహన కార్యక్రమాలు

వేదిక, సమయం..
వేదిక: సాయిదత్త పీఠం & కల్చరల్ సెంటర్, 1665 ఓక్ ట్రీ రోడ్, ఎడిసన్, NJ – 08820.

సమయం: ఉదయం 9:30 నుండి మధ్యాహ్నం 12:30 గంటల వరకు (EST).

రాబోయే శిబిరాల తేదీలు..
నిర్వాహకులు ఈ క్రింది తేదీలలో శిబిరాలను నిర్వహించనున్నారు.

ఆగస్టు 2, 2026

సెప్టెంబర్ 6, 2026

అక్టోబర్ 4, 2026

నవంబర్ 1, 2026

డిసెంబర్ 6, 2026

మరిన్ని వివరాల కోసం లక్ష్మీకాంత్ గజూలను (732) 619-7991 నంబర్‌లో సంప్రదించవచ్చు. కుటుంబ సభ్యులతో కలిసి ఈ అవకాశాన్ని సద్వినియోగం చేసుకోవాలని నిర్వాహకులు కోరారు.