గట్ హెల్త్‌కు సహజమైన సపోర్ట్ అందించే నాచురల్ కాంజీ..

మన శరీర ఆరోగ్యంలో పేగులు (Gut) కీలక పాత్ర పోషిస్తాయి. జీర్ణక్రియ సక్రమంగా ఉండటం, పోషకాలు శరీరానికి అందడం, రోగనిరోధక శక్తి మెరుగ్గా పనిచేయడం వంటి అనేక అంశాలు పేగుల ఆరోగ్యంపై ఆధారపడి ఉంటాయి. అందుకే రోజువారీ ఆహారంతో పాటు పేగులకు మేలు చేసే కొన్ని సహజ పానీయాలను తీసుకోవడం మంచిదని నిపుణులు సూచిస్తున్నారు. వీటిలో కొన్ని కాంజీలను ఇంట్లోనే సులభంగా తయారు చేసుకోవచ్చు.

క్యారెట్-బీట్‌రూట్ కాంజీ (Carrot-Beetroot Kanji) తయారీ కోసం ఒక పెద్ద బీట్‌రూట్, రెండు క్యారెట్లను పొడవుగా ముక్కలు చేసి గాజు సీసాలో వేయాలి. అందులో నీరు, కొద్దిగా రాక్ సాల్ట్ (Rock Salt), ఆవాల పొడి (Mustard Powder) కలపాలి. సీసాను మూతపెట్టి తెల్లని గుడ్డతో గట్టిగా కట్టి రెండు నుంచి మూడు రోజుల పాటు ఎండ తగిలే చోట ఉంచాలి. స్వల్పంగా పుల్లటి రుచి వచ్చిన తర్వాత ఈ పానీయం తాగవచ్చు. ఇది సహజ కిణ్వ ప్రక్రియ (Fermentation) ద్వారా తయారవుతుంది.

బీట్‌రూట్ కాంజీ (Beetroot Kanji) కోసం

ఒక బీట్‌రూట్‌ను పొడవుగా ముక్కలు చేసి గాజు సీసాలో వేయాలి. అందులో నీరు, కొద్దిగా రాక్ సాల్ట్ (Rock Salt), ఆవాల పొడి (Mustard Powder) కలిపి రెండు నుంచి మూడు రోజుల పాటు ఎండ తగిలే చోట ఉంచాలి. పుల్లటి రుచి వచ్చిన తర్వాత తాగవచ్చు.

క్యారెట్ కాంజీ (Carrot Kanji) కోసం

రెండు క్యారెట్లను పొడవుగా కోసి నీరు, ఆవాల పొడి, రాక్ సాల్ట్‌తో కలిపి గాజు సీసాలో ఉంచాలి. రెండు నుంచి మూడు రోజుల తర్వాత ఇది సహజంగా కిణ్వమై తాగడానికి సిద్ధమవుతుంది.

నల్ల క్యారెట్ కాంజీ ప్రత్యేకత

నల్ల క్యారెట్ కాంజీ (Black Carrot Kanji) ఇది ఎక్కువగా నల్ల క్యారెట్ (Black Carrot) లభించే ప్రాంతాల్లో దీనితో కాంజీ తయారు చేస్తారు. ఆవాలు, ఉప్పు, నీటితో కలిపి మూడు నుంచి నాలుగు రోజుల పాటు కిణ్వ ప్రక్రియకు ఉంచితే రుచికరమైన కాంజీ సిద్ధమవుతుంది.

ముల్లంగి కాంజీ (Radish Kanji) చేయడానికి

తెల్ల ముల్లంగిని చిన్న ముక్కలుగా కోసి నీరు, రాక్ సాల్ట్, ఆవాల పొడితో కలిపి రెండు రోజుల పాటు ఉంచాలి. స్వల్పంగా పుల్లటి రుచి వచ్చిన తర్వాత తాగవచ్చు. ఇది ప్రత్యేకమైన రుచిని అందిస్తుంది.

కాంజీ తాగేటప్పుడు తీసుకోవాల్సిన జాగ్రత్తలు

కాంజీ తయారీలో పరిశుభ్రత చాలా ముఖ్యం. ఎప్పుడూ శుభ్రమైన గాజు సీసా మాత్రమే ఉపయోగించాలి. రోజుకు ఒకసారి చెక్క గరిటెతో మెల్లగా కలిపితే కిణ్వ ప్రక్రియ సమానంగా జరుగుతుంది. నేరుగా ఎక్కువసేపు ఎండలో కాకుండా వెలుతురు ఉండే ప్రదేశంలో ఉంచడం మంచిది.

అయితే కాంజీని పరిమిత మోతాదులో మాత్రమే తీసుకోవాలి. తీవ్రమైన జీర్ణ సమస్యలు లేదా ప్రత్యేక ఆరోగ్య సమస్యలు ఉన్నవారు వైద్యుల సలహా తీసుకోవడం మంచిది. సరైన విధంగా తయారు చేసిన ఇంటి కాంజీని అప్పుడప్పుడు ఆహారంలో చేర్చుకోవడం ద్వారా రుచితో పాటు పేగుల ఆరోగ్యానికి కూడా మేలు చేసే అవకాశం ఉంటుంది.