నివేదాతో అనుప‌మ స్పెష‌ల్ ఫోటోస్

అనుపమ పరమేశ్వరన్(Anupama Parameswaran) రీసెంట్ గా సినిమాల కంటే ఆమె ప‌ర్స‌న‌ల్ లైఫ్ కు సంబంధించిన వార్తలతో సోషల్ మీడియాలో ఎక్కువగా డిస్క‌ష‌న్‌కు వస్తోంది. ఓ కోలీవుడ్ హీరోతో ఆమె పేరును జోడించి పలు కథనాలు ప్రచారంలోకి రావడంతో ఈ అంశం హాట్ టాపిక్‌గా మారింది. అయితే అలాంటి ఊహాగానాల మధ్య అనుపమ తన ప‌ర్స‌న‌ల్ లైఫ్ ను ప్రశాంతంగా గడుపుతూ, తనకు దగ్గరైన వ్యక్తులతో టైమ్ స్పెండ్ చేయ‌డం అభిమానుల దృష్టిని ఆకర్షిస్తోంది. గాసిప్స్‌కు రెస్పాండ్ అవ‌కుండా తన రొటీన్‌ను కొనసాగించడం కూడా ప్రత్యేకంగా చర్చనీయాంశమైంది.

ఈ నేపథ్యంలో అనుపమ తన క్లోజ్ ఫ్రెండ్, హీరోయిన్ నివేదా థామస్‌(Nivetha Thomas)ను ఆమె ఇంట్లో కలిసిన ఫోటోలు సోషల్ మీడియాలో వైరల్ అవుతున్నాయి. ఈ ఫోటోలను నివేదా త‌మ్ముడు నిఖిల్ థామస్(Nikhil Thomas) తన ఇన్‌స్టాగ్రామ్ ఖాతాలో షేర్ చేయగా, ఇద్దరూ ఎంతో సంతోషంగా కనిపించడం అభిమానులను ఆకట్టుకుంది. ఇండస్ట్రీలో పోటీ ఉన్నప్పటికీ, లాంగ్ ఫ్రెండ్‌షిప్స్ ను కొనసాగించే హీరోయిన్ల‌లో వీరిద్దరూ ఒకరని పలువురు అభిమానులు కామెంట్లు చేస్తున్నారు. ఫోటోలలో కనిపించిన సహజమైన అనుబంధం కారణంగా ఈ పోస్టులు విస్తృతంగా షేర్ అవుతున్నాయి.

ప్రస్తుతం నివేదా థామస్ శ్రీమతి సినిమా షూటింగ్‌లో బిజీగా ఉండగా, అనుపమ పరమేశ్వరన్ క్రేజీ కళ్యాణ్ సినిమాతో ప్రేక్షకుల ముందుకు రావడానికి సిద్ధమవుతున్నారు. ఈ రెండు సినిమాల‌కు సంబంధించిన మరిన్ని వివరాలు త్వరలో వెల్లడయ్యే అవకాశం ఉన్నట్లు సినీ వర్గాలు భావిస్తున్నాయి. వ్యక్తిగత వార్తల మధ్య కూడా కెరీర్‌పై పూర్తి దృష్టి పెట్టిన ఈ ఇద్దరు హీరోయిన్లు తమ త‌ర్వాతి సినిమాలతో ఎలాంటి రెస్పాన్స్ అందుకుంటారన్న ఆసక్తి ఇప్పుడు సినీ అభిమానుల్లో కనిపిస్తోంది.