Amaravati: పార్టీ గెలుపే రాష్ట్ర గెలుపు.. అభివృద్ధికి టీడీపీ బ్రాండ్ ముఖ్యం: చంద్రబాబు
- Published By: Vishal
- March 29, 2026 / 03:01 PM IST
Amaravati: తెలుగుదేశం పార్టీ ఆవిర్భావ దినోత్సవం సందర్భంగా మంగళగిరిలోని పార్టీ కేంద్ర కార్యాలయంలో నిర్వహించిన వేడుకల్లో ముఖ్యమంత్రి చంద్రబాబు నాయుడు పాల్గొన్నారు. ఈ సందర్భంగా ఆయన పార్టీ శ్రేణులను ఉద్దేశించి ప్రసంగిస్తూ, టీడీపీ ప్రస్థానంలో కార్యకర్తల పాత్రను కొనియాడారు. పార్టీ కోసం ఎంతోమంది తమ ఆస్తులను, ప్రాణాలను పణంగా పెట్టారని.. వారి త్యాగాల పునాదులపైనే ఈ రోజు పార్టీ పటిష్టంగా ఉందన్నారని ఆయన పేర్కొన్నారు.
సవాళ్లను అధిగమించి: టీడీపీ కేవలం విజయాలనే కాదు, ఎన్నో కుట్రలను, సంక్షోభాలను ఎదుర్కొందని చంద్రబాబు గుర్తు చేశారు. ఎన్ని అడ్డంకులు సృష్టించినా పార్టీని ఎవరూ ఏమీ చేయలేకపోయారని, భవిష్యత్తులోనూ ఇది కొనసాగుతుందని ధీమా వ్యక్తం చేశారు.
కార్యకర్తలే ప్రాణం: కష్టపడి పనిచేసే కార్యకర్తలకే పార్టీలో తగిన గుర్తింపు ఉంటుందని సీఎం స్పష్టం చేశారు. వారి సేవలను విస్మరించడం ప్రమాదకరమని హెచ్చరిస్తూ, ప్రతి ఎన్నికల్లోనూ టీడీపీ గెలుపు కోసం ప్రతి ఒక్కరూ కృషి చేయాలని పిలుపునిచ్చారు.
అభివృద్ధి బ్రాండ్: రాష్ట్ర ప్రగతిలో ‘టీడీపీ బ్రాండ్’ స్పష్టంగా ఉండాలని ఆకాంక్షించారు. 2004, 2019 ఎన్నికల ఫలితాలు వేరుగా ఉండి ఉంటే.. అమరావతి, తెలుగుజాతి అభివృద్ధి మరో స్థాయిలో ఉండేదని ఆయన అభిప్రాయపడ్డారు.
అమరావతి రైతుల నమ్మకం: రాజధాని కోసం పైసా ఆశించకుండా భూములిచ్చిన రైతుల నమ్మకమే పార్టీకి బలమని కొనియాడారు. ప్రస్తుతం ఆంధ్రప్రదేశ్ పెట్టుబడులకు కేరాఫ్ అడ్రస్గా మారిందని, పార్టీ గెలుపు రాష్ట్ర గెలుపుగా భావించాలని పేర్కొన్నారు.
కార్యక్రమం చివరలో పార్టీ కోసం అంకితభావంతో పనిచేసిన పలువురు సీనియర్ కార్యకర్తలను చంద్రబాబు స్వయంగా సత్కరించి, వారికి అభినందనలు తెలిపారు.
ఇవి కూడా చదవండి
