జూన్ 21న చికాగోలో ఘనంగా TAGC ‘వనభోజనాలు

TAGC: అమెరికాలోని ప్రముఖ ప్రవాస తెలుగు సంస్థ ‘తెలుగు అసోసియేషన్ ఆఫ్ గ్రేటర్ చికాగో (TAGC)’ ఆధ్వర్యంలో జూన్ 21, 2026 (ఆదివారం) నాడు అత్యంత వైభవంగా ‘వనభోజనాలు 2026’ (Picnic In The Park) కార్యక్రమాన్ని నిర్వహించనున్నారు. అంతర్జాతీయ ఫాదర్స్ డే (Father’s Day) సందర్భాన్ని పురస్కరించుకుని చికాగో పరిసర ప్రాంతాల్లోని తెలుగు కుటుంబాలు, స్నేహితులు , ఆత్మీయులందరినీ ఒకే చోటికి చేరుస్తూ ఈ ప్రత్యేక పిక్నిక్ వేడుకను ఏర్పాటు చేశారు. ఈ కార్యక్రమం సరిగ్గా మధ్యాహ్నం 12:00 గంటల నుండి సాయంత్రం 4:00 గంటల వరకు కొనసాగనుంది.

వేదిక..
ఈ వనభోజనాల వేడుకకు ఇల్లినాయిస్‌లోని ఎల్క్ గ్రోవ్ విలేజ్‌లో గల ప్రసిద్ధ ‘బస్సే వుడ్స్ – పిక్నిక్ గ్రోవ్ #32’ (Busse Woods – Picnic Grove #32, Beisner Rd, Elk Grove Village, IL 60007) వేదిక కానుంది.

ఫుడ్ కాంపిటీషన్‌..
ఆహ్లాదకరమైన వాతావరణంలో జరిగే ఈ వేడుకలో కుటుంబ సమేతంగా ఆనందించేలా ఫ్యామిలీ ఫన్, వివిధ రకాల ఆటల పోటీలు (Games) , ప్రత్యేకంగా ఫుడ్ కాంపిటీషన్‌ను (Food Competition) నిర్వహించనున్నారు. రుచికరమైన వంటకాలు, వినోదం , నవ్వుల మధ్య పరిపూర్ణమైన పిక్నిక్ అనుభూతిని అందించేలా ఈ ఈవెంట్‌ను ప్లాన్ చేశారు.

ప్రవేశ రుసుము..
ఈ కార్యక్రమానికి హాజరయ్యే టిఎజిసి సభ్యులకు (TAGC Members) ప్రవేశం పూర్తిగా ఉచితం కాగా, సభ్యులు కాని వారికి (Non-Members) 10 డాలర్ల ప్రవేశ రుసుమును నిర్ణయించారు. ఈ వేడుకను విజయవంతం చేయడానికి 2026 ఎగ్జిక్యూటివ్ కమిటీ & బోర్డ్ ఆఫ్ డైరెక్టర్స్ ఆధ్వర్యంలో ఏర్పాట్లు ముమ్మరంగా సాగుతున్నాయి.
రిజిస్ట్రేషన్ వివరాలు..
పిక్నిక్‌లో పాల్గొనాలనుకునే వారు ఇమేజ్‌లోని క్యూఆర్ (QR) కోడ్‌ను స్కాన్ చేసి వెంటనే రిజిస్టర్ చేసుకోవచ్చు. మరిన్ని వివరాల కోసం పిక్నిక్ చైర్ ప్రణీత్ మారేపల్లి (408-505-0622), ప్రెసిడెంట్ అర్చన పొద్దుటూరి (630-849-9135) లనూ లేదా సంస్థ అధికారిక వెబ్‌సైట్ www.tagc.org ని గానీ సంప్రదించాల్సిందిగా నిర్వాహకులు కోరారు.