మే 23, 24 తేదీల్లో వైభవంగా ‘ అన్నమాచార్య 618వ జయంతి ఉత్సవాలు

SiliconAndhra:పదకవితా పితామహుడు  తాళ్లపాక అన్నమాచార్యుల 618వ జయంతి ఉత్సవాలను పురస్కరించుకుని సిలికానాంధ్ర సంస్థ భారీ ఎత్తున వేడుకలకు శ్రీకారం చుట్టింది. మే 23 , 24 తేదీలలో కాలిఫోర్నియాలోని మిల్పిటాస్‌లో ఉన్న ఆరియా యూనివర్సిటీ (Aria University) వేదికగా ఈ ఉత్సవాలు అత్యంత భక్తిశ్రద్ధలతో జరగనున్నాయి.

ప్రత్యేక ఆకర్షణలు..
ఈ రెండు రోజుల వేడుకల్లో భాగంగా సంగీత, నృత్య కార్యక్రమాలను నిర్వహించనున్నారు. ముఖ్యంగా మే 23వ తేదీ సాయంత్రం 5:00 గంటలకు ప్రముఖ విద్వాంసులు విద్వాన్ డా. మల్లాది రవికుమార్ బృందం చేత “అన్నమయ్య గానామృత లహరి” కార్యక్రమం ప్రత్యేక ఆకర్షణగా నిలవనుంది. వీరికి శ్రీరామ్ బ్రహ్మానందం (మృదంగం), శ్రీమతి అనురాధ శ్రీధర్ (వయలిన్) సహకారం అందించనున్నారు.

కార్యక్రమ వివరాలు..

వేదిక: Aria University, 1521 California Cir., Milpitas, CA 95035.

మే 23 షెడ్యూల్: రథోత్సవం, సప్తగిరి సంకీర్తన గోష్ఠి గానం, అష్టోత్తర శత సంకీర్తానార్చన, అన్నమయ్య గానామృత లహరి , పవళింపు సేవ.

మే 24 షెడ్యూల్: ఇన్‌స్ట్రుమెంటల్ , డాన్స్ గ్రూప్ పెర్ఫార్మెన్స్, గురు సమర్పణ (వాణి గుండ్లపల్లి , మీనాక్షి గణేషన్ బృందాలచే నృత్య ప్రదర్శనలు).

రిజిస్ట్రేషన్ వివరాలు..
ఆసక్తి గల వారు https://tinyurl.com/Annamacharya-Jayanthi-618 లింక్ ద్వారా వెంటనే రిజిస్టర్ చేసుకోవాలని నిర్వాహకులు కోరారు. మరిన్ని వివరాలకు వంశీకృష్ణ నాదెళ్ల (408-718-4552) లేదా ప్రియ తనుగుల (949-572-9320) ను సంప్రదించవచ్చు. తెలుగు సంస్కృతిని, అన్నమయ్య సంకీర్తన వైభవాన్ని చాటిచెప్పే ఈ మహా ఉత్సవంలో అందరూ పాల్గొని విజయవంతం చేయాలని సిలికానాంధ్ర బృందం విజ్ఞప్తి చేసింది.