విశాఖలో మెలిండా గేట్స్ ఫౌండేషన్ అంతర్జాతీయ సదస్సు
- Published By: Tech Team
- October 1, 2017 / 05:43 PM IST
అమెరికాకు చెందిన బిల్‌ అండ్ మెలిండా గేట్స్ ఫౌండేషన్ ప్రతినిధులు ముఖ్యమంత్రి చంద్రబాబుతో సచివాలయంలో సమావేశమయ్యారు. భూసార పరీక్షలతో పాటు రైతులకు వ్యవసాయంలో ఆధునిక సాంకేతిక పరిజ్ఞానాన్ని అందించేందుకు తమ సహకారాన్ని అందిస్తామని ఫౌండేషన్ ప్రతినిధులు చంద్రబాబుకు తెలిపారు. ఈ మేరకు ఏపీ ప్రభుత్వం బిల్‌ అండ్ మెలిండా గేట్స్ ఫౌండేషన్‌తో త్వరలో అవగాహన ఒప్పందాన్ని కుదుర్చుకోనుంది.
ఈ ఏడాది నవంబర్ 15, 16, 17 తేదీల్లో విశాఖలో మెలిండా గేట్స్ ఫౌండేషన్ ఆధ్వర్యంలో అంతర్జాతీయ స్థాయి సదస్సు జరగనుంది. నవంబర్ 17న బిల్‌గేట్స్‌ కూడా ఈ సదస్సుకు హాజరవనున్నారు.
వ్యవసాయంలో సాంకేతికతను వినియోగించడం ద్వారా రైతుల ఆదాయాన్ని పెంచడమే తమ లక్ష్యమని బిల్‌ అండ్ మెలిండా గేట్స్ ఫౌండేషన్ ఆసియా విభాగపు ప్రతినిధి మెహతా అన్నారు.
