అమెరికాలో తెలుగు యువకుడి దుర్మరణం
- Published By: Saidulu
- July 17, 2026 / 02:22 PM IST
అమెరికాలో జరిగిన స్కై డైవింగ్ (Skydiving) ప్రమాదంలో హైదరాబాద్కు చెందిన సాఫ్ట్వేర్ ఇంజనీర్ గడ్డం మణి చంద్రతేజ (Mani Chandrateja) (28) మృతి చెందాడు. మసాచుసెట్ రాష్ట్రంలో ఈ ఘటన చోటుచేసుకుంది.విజయవాడ (Vijayawada)కు చెందిన మణితేజ కుటుంబం హైదరాబాద్కు వచ్చి స్థిరపడింది. ఇక్ఫాయ్ ఫౌండేషన్లో విద్యను పూర్తిచేసుకున్న తేజ 2022లో మాస్టర్స్ చేయడానికి అమెరికా వెళ్లాడు. రెండేళ్లుగా బోస్టన్ (Boston)లో సాఫ్ట్వేర్ డెవలపర్గా పనిచేస్తున్నాడు. స్కై డైవింగ్పై ఆసక్తి ఉన్న మణితేజ గతంలోనూ పలుమార్లు డైవింగ్ చేశాడు. అయితే, స్కైడైవింగ్ ముగించుకుని పారాచూట్ల సాయంతో కిందకు దిగుతున్న సమయంలో ఒక్కసారిగా బలమైన గాలులు వీచాయి. దీంతో పారాచూట్ నియంత్రణ తప్పి, అతడు 30 అడుగుల ఎత్తు నుంచి కింద పడిపోయాడు. తీవ్ర గాయాలపాలైన మణితేజను సమీపంలోని ఆస్పత్రికి తరలించినప్పటికీ, చికిత్స పొందుతూ ప్రాణాలు విడిచాడు.
ఇవి కూడా చదవండి
