చైనాలో కొత్త స్కూల్… స్టూడెంట్స్ రోబోలు, టీచర్లు మనుషులు!
- Published By: techteam
- July 17, 2026 / 09:28 AM IST
–సూర్య ప్రకాష్ జోశ్యుల
సాధారణంగా స్కూల్ అంటే…
ఓ క్లాస్రూమ్, టీచర్ , విద్యార్థులు, బ్లాక్బోర్డ్ , పుస్తకాలు ఇవే గుర్తుకొస్తాయి. కానీ…ఆ స్కూల్లో విద్యార్థులు రోబోలు అయితే? టీచర్లు మనుషులైతే? పాఠ్యపుస్తకం బదులు… మనిషి రోజూ చేసే పనులే పాఠాలైతే?
ఇది సినిమా కథ కాదు.
ప్రపంచ టెక్నాలజీ భవిష్యత్తును మార్చే ప్రయోగం. ఇప్పుడు చైనా సరిగ్గా అదే చేస్తోంది.
రోబోలకు కొత్త సిలబస్… మనిషి జీవితం!
ఇప్పటివరకు ChatGPT లాంటి AIలు…ఇంటర్నెట్లో ఉన్న పుస్తకాలు… ఆర్టికల్స్…వెబ్సైట్లు…కోడ్…
వీటిని చదివి తెలివిగా మారాయి. కానీ ఇప్పుడు AI పరిశ్రమ ముందు కొత్త ప్రశ్న నిలిచింది. ఇంకా తెలివిగా మారాలంటే AIకి కొత్త డేటా ఎక్కడి నుంచి వస్తుంది? దానికి చైనా చెప్పిన సమాధానం ఒక్కటే.
“మనిషి జీవితమే కొత్త డేటా.”
అందుకే ఇప్పుడు రోబోలకు పుస్తకాలు చదివించడం కాదు… మనుషులను గమనించడం నేర్పిస్తున్నారు. క్లాస్రూమ్లో బ్లాక్బోర్డ్ లేదు… ఒక ఇల్లు ఉంది! చైనా ఇప్పటికే దేశవ్యాప్తంగా 64 ప్రత్యేక డేటా కలెక్షన్ కేంద్రాలను ఏర్పాటు చేసింది. మరో 20 నిర్మాణంలో ఉన్నాయి. అవి పరిశోధన ల్యాబ్లా కనిపించవు. అక్కడ… ఒక ఇల్లు ఉంటుంది. ఒక వంటగది ఉంటుంది. ఒక బెడ్రూమ్ ఉంటుంది. ఒక సూపర్ మార్కెట్ ఉంటుంది. ఒక ఆఫీస్ ఉంటుంది. ఒక ఫ్యాక్టరీ ఉంటుంది. అన్నీ నిజ జీవితంలాగే.
ఎందుకంటే…
రోబోలకు నేర్పాల్సింది పుస్తకాల జ్ఞానం కాదు. మనిషి జీవించే విధానం.
టీచర్లు ఎవరు?
ఈ స్కూల్లో టీచర్లు… ప్రొఫెసర్లు కాదు.శాస్త్రవేత్తలు కాదు. సాధారణ మనుషులే. ఒక మహిళ వంట చేస్తోంది. ఒక ఉద్యోగి షెల్ఫ్లో చిప్స్ ప్యాకెట్లు అమరుస్తున్నాడు. ఒక వ్యక్తి గ్లాస్ జారిపోతే పట్టుకుంటున్నాడు. మరో వ్యక్తి కోడిగుడ్డును పగలకుండా చేతిలోకి తీసుకుంటున్నాడు. ఈ దృశ్యాలను రోబోలు చూస్తుంటాయి. మళ్లీ మళ్లీ చూస్తాయి. అదే పనిని తామూ చేయడానికి ప్రయత్నిస్తాయి. తప్పులు చేస్తాయి. మళ్లీ నేర్చుకుంటాయి. ఇదే ఇప్పుడు చైనాలో జరుగుతున్న అసలు క్లాస్.
చదువుతున్నది రోబో కాదు… దాని మెదడు
ఇక్కడ అసలు విషయం రోబో బాడీ కాదు. దాని AI మెదడు. ఒక గ్లాస్ను ఎంత బలంగా పట్టుకుంటే పగలదు?
ఒక గుడ్డును ఎంత మృదువుగా ఎత్తాలి? ఒక బట్టను ఎలా మడవాలి? ఒక పెట్టెను ఎలా మోయాలి? ఇలాంటి లక్షలాది చిన్న చిన్న పనులను AI నేర్చుకుంటోంది. ఈ డేటాతోనే రేపటి హ్యూమనాయిడ్ రోబోలు మరింత తెలివిగా మారబోతున్నాయి.
అమెరికా ఒక దారి… చైనా మరో దారి
అమెరికాలోని అనేక కంపెనీలు ఇప్పటికీ ల్యాబ్లు, సిమ్యులేషన్లు, వర్చువల్ ట్రైనింగ్పై ఎక్కువగా ఆధారపడుతున్నాయి.
చైనా మాత్రం…
నిజ జీవిత పరిస్థితులను పోలిన వాతావరణాల్లో, అలాగే ఫ్యాక్టరీలు, గిడ్డంగుల్లో రోబోలను పనిచేయించి డేటా సేకరిస్తోంది. అంటే… పుస్తకాలు చదివే AI నుంచి… ప్రపంచాన్ని చూసి నేర్చుకునే AI వైపు అడుగులు పడుతున్నాయి.
ఈ రేసు చిన్నది కాదు
ఈ ఏడాదిలోనే… హ్యూమనాయిడ్ రోబోటిక్స్ రంగంలో దాదాపు 100 బిలియన్ యువాన్ల (సుమారు ₹1.1 లక్షల కోట్లు) పెట్టుబడులు వచ్చాయి. 2050 నాటికి… ఈ మార్కెట్ విలువ 5 ట్రిలియన్ డాలర్లకు చేరుతుందని అంచనాలు చెబుతున్నాయి. అందుకే చైనా అధ్యక్షుడు షీ జిన్పింగ్ కూడా ఈ రంగాన్ని దేశ భవిష్యత్ వ్యూహంలో కీలక భాగంగా చూస్తున్నారు.
ఇది భారత్కు ఎందుకు ముఖ్యమైన విషయం?
“ఇది చైనాలో జరుగుతోంది… మనకేం సంబంధం?” అని అనిపించొచ్చు. కానీ… ఇలాంటి టెక్నాలజీలు మొదట ఫ్యాక్టరీల్లోకి వస్తాయి. తర్వాత వేర్హౌస్ల్లోకి. ఆ తర్వాత ఆసుపత్రుల్లోకి. హోటళ్లలోకి. చివరకు ఇళ్లలోకి. అదే సమయంలో… కొన్ని ఉద్యోగాల స్వరూపం మారవచ్చు.
రాబోయే రోజుల్లో కొత్త ఉద్యోగాలు
రోబో ట్రైనర్లు.
AI సేఫ్టీ నిపుణులు.
రోబోటిక్స్ టెక్నీషియన్లు.
హ్యూమన్-రోబో ఇంటరాక్షన్ డిజైనర్లు.
అంటే… ఇది ఉద్యోగాలను అంతం చేసే కథ కాదు. ఉద్యోగాలను మార్చే కథ.
అసలు ట్విస్ట్ ఇదే!
ఒకప్పుడు… “Data is the new oil.” అన్నారు. ఇప్పుడు…టెక్నాలజీ ప్రపంచాన్ని చూస్తే…”Human Behaviour is the new Data.” అని చెప్పాల్సిన పరిస్థితి కనిపిస్తోంది.
ఇప్పటివరకు AI…మనిషి రాసిన సమాచారాన్ని చదివింది.ఇప్పుడు…మనిషి జీవిస్తున్న జీవితాన్నే చదవడం మొదలుపెడుతోంది.
కంక్లూజన్
ఒకప్పుడు…
భూమి కోసం యుద్ధాలు జరిగాయి.తర్వాత…చమురు కోసం పోటీ జరిగింది. ఇప్పుడు…ప్రపంచ దేశాలు పోటీ పడుతోంది…మనిషి ప్రవర్తన కోసం. ఎందుకంటే…రేపటి ప్రపంచంలో అత్యంత విలువైన డేటా… మీరు రాసింది కాదు. మీరు ఎలా జీవిస్తున్నారనేదే.
రేపటి అత్యంత తెలివైన AIని తయారు చేసేది…అత్యంత శక్తివంతమైన కంప్యూటర్ కాదు. అత్యధిక మంది మనుషులను గమనించి, వారి నుంచి నేర్చుకున్న దేశం.
బహుశా…
చైనా అదే రేసులో ముందుకు పరిగెడుతోంది.
