జులై 19న ‘TTA వరల్డ్ కప్ వాచ్ పార్టీ’ – క్రీడా సంబరం

TTA: తెలంగాణ అమెరికన్ తెలుగు అసోసియేషన్ (TTA) యూత్ కమిటీ ఆధ్వర్యంలో ‘వరల్డ్ కప్ వాచ్ పార్టీ’ని నిర్వహిస్తున్నారు. క్రీడాభిమానుల కోసం ఈ ప్రత్యేక కార్యక్రమాన్ని ఏర్పాటు చేశారు.

కార్యక్రమ వివరాలు..
మ్యాచ్‌ను అందరం కలిసి వీక్షించేందుకు, ఉత్సాహంగా జరుపుకునేందుకు ఈ వాచ్ పార్టీని నిర్వహిస్తున్నారు. ఈ కార్యక్రమం జులై 19, ఆదివారం రోజు చార్లెట్, నార్త్ కరోలినాలోని TTA మెగా కన్వెన్షన్ వేదికపై మధ్యాహ్నం 3:00 గంటల నుండి సాయంత్రం 5:30 గంటల వరకు జరుగుతుంది.

“గేమ్ కోసం రండి.. ఆ ఉత్సాహం కోసం ఉండండి” అని నిర్వాహకులు పిలుపునిచ్చారు. ఈ క్రీడా సంబరంలో, మ్యాచ్‌లోని ప్రతి నిమిషాన్ని ఆస్వాదిస్తూ, అందరం కలిసి కేరింతలు కొడుతూ సంబరాలు జరుపుకుందాం అని తెలియజేశారు.