ఆంధ్రప్రదేశ్ కు మరో భారీ పరిశ్రమ
- Published By: Tech Team
- July 15, 2017 / 11:04 PM IST
ఆంధ్రప్రదేశ్‌కు మరో భారీ పరిశ్రమ రాబోతోంది. నెల్లూరు జిల్లా దగదర్తి వద్ద కేంద్ర ప్రభుత్వం ఆధ్వర్యంలో రూ.3 వేల కోట్లతో అల్యూమినియం ఫెర్రో అల్లాయిస్‌ పరిశ్రమను నెలకొల్పడానికి రంగం సిద్ధమైంది. కేంద్ర ప్రభుత్వ ప్రతిపాదనలో ఉన్న ఈ భారీ ప్రాజెక్టును నెల్లూరులో ఏర్పాటు చేసేందుకు ఆర్థిక, రక్షణశాఖల మంత్రి అరుణ్‌జైట్లీ, గనుల శాఖ మంత్రి పీయూష్‌ గోయల్‌ సానుకూలంగా స్పందించారు. ఈ పరిశ్రమ కోసం ఆంధ్రప్రదేశ్ ప్రభుత్వం ఇప్పటికే 110 ఎకరాల భూమిని కేటాయించింది. హైదరాబాద్‌ కేంద్రంగా కార్యకలాపాలు నిర్వహిస్తున్న రక్షణ రంగ సంస్థ మిశ్రధాతు నిగం (మిధాని), నేషనల్ అల్యూమినియం కంపెనీ (నాల్కో) సంయుక్త భాగస్వామ్యంలో ఈ పరిశ్రమ ఏర్పాటు కానుంది.
