Andhra Pradesh: ఏపీ ప్రభుత్వం మరో కీలక నిర్ణయం

ఆంధ్రప్రదేశ్ రాష్ట్ర ప్రభుత్వం మరో కీలక నిర్ణయం తీసుకుంది. జలవనరుల శాఖలో అవుట్ సోర్సింగ్ విధానంలో పనిచేసే లస్కర్ల వేతనాలను పెంచాలని చంద్రబాబు (Chandrababu) ప్రభుత్వం నిర్ణయించింది. ఇప్పటికే రోజు వారీగా రూ.350 వేతనం అందుకుంటున్న లస్కర్లకు రూ.550లకు పెంచుతూ ఏపీ ప్రభుత్వం ఉత్తర్వులు జారీ చేసింది. రాష్ట్ర ప్రభుత్వ ఆదేశాల ప్రకారం, లస్కర్ల వినతిని పరిగణనలోకి తీసుకుని వేతనాలు పెంపు ప్రతిపాదనలను ఆమోదించింది. ఈ పెంపు వేతనాలు వెంటనే అమలు చేయాలని ఆదేశాలు జారీ చేసింది. ఈ మేరకు జలవనరుల శాఖలోని సీఏడీఏ కమిషనర్ (CADA Commissioner) ని ప్రభుత్వం ఆదేశించింది.