సాంకేతికత పొరపాటే.. దురుద్దేశాలు లేవు : క్షమాపణలు చెప్పిన ‘‘మెటా’’

సీజేపీ నిరసనలు, విద్యార్థుల నిరసనలను ఉద్దేశించి ప్రధాని నరేంద్ర మోదీ పోస్టు చేసిన సెల్ఫీ వీడియోను తొలగించడంపై సోషల్ మీడియా దిగ్గజం మెటా క్షమాపణలు చెప్పింది. సాంకేతికత సమస్య కారణంగా తమ ప్లాట్ ఫామ్ వేదికగా అది కొద్దిసేపు కనిపించడం లేదని తెలిపింది. దీని వెనుక ఎలాంటి ఉద్దేశపూర్వక చర్యలు లేదని కూడా వివరణ ఇచ్చింది.

‘ప్రధాని మోదీ వీడియో విషయంలో పొరపాటు జరిగింది. సమస్యను గుర్తించిన వెంటనే దాన్ని పునరుద్ధరించాం. దీనికి చింతిస్తున్నాం’ అని మెటా ప్రతినిధి పేర్కొన్నారు. ప్రధాని వీడియో కనిపించకుండా పోయిన తర్వాత కాసేపు.. ‘చట్టపరమైన అభ్యర్థన మేరకు పరిమితం అయింది’ అనే సందేశం కనిపించింది. అయితే, అది కూడా సాంకేతిక లోపం వల్లే జరిగిందని మెటా వివరణ ఇచ్చింది. ప్రస్తుతం వీడియోను పూర్తిగా పునరుద్ధరించామని, వినియోగదారులు యథావిధిగా వీక్షించవచ్చని సంస్థ తెలిపింది.

మెటా డిలీట్ చేసిన వీడియోలో ఏముంది?

నీట్ పేపర్ లీకేజీకి వ్యతిరేకంగా కేంద్ర మంత్రి ధర్మేంద్ర ప్రధాన్ రాజీనామా చేయాలని సీజేపీ నిరసన వ్యక్తం చేసిన విషయం తెలిసిందే. ఈ నేపథ్యంలో గురువారం అర్ధరాత్రి ప్రధాని నరేంద్ర మోదీ ఓ వీడియోను విడుదల చేశారు. ముఖ్యంగా నీట్ ప్రశ్నపత్రం లీక్ అంశంపై తమ ప్రభుత్వ వైఖరిని వివరించారు. ఆ వీడియో అకస్మాత్తుగా కనిపించకుండా పోవడం సోషల్ మీడియాలో చర్చనీయాంశమైంది. వీడియోను తొలగించడంపై కేంద్ర ప్రభుత్వం తీవ్ర ఆగ్రహం వ్యక్తం చేసినట్టు సమాచారం. మెటాకు ఐటీ మంత్రిత్వ శాఖ సమన్లు జారీ చేసింది.