NY: న్యూయార్క్‌లో ఇండియా డే వేడుకలు…ఆకట్టుకున్న తానా

ప్రపంచములో అతి పెద్దదయిన న్యూయార్క్‌ (New York) ఇండియా డే పెరేడ్‌ వేడుకలో ఉత్తర అమెరికా తెలుగుసంఘం (TANA) నాయకులు కూడా ఉత్సాహంగా పాల్గొన్నారు. తానా నాయకులు ‘‘జీరో ప్లాస్టిక్‌’’ సందేశాన్ని తెలియజేస్తూ, ఉత్సాహంగా జెండాలను ఊపుతూ 85 డిగ్రీల వేడిలో రెండు మైళ్లదూరం నడిచారు. వాతావరణం వేడిగా ఉన్నప్పటికీ, ఎవరూ అలసట చెందలేదు. వారి స్ఫూర్తి మరియు అంకితభావం సమాజం మరియు మాతృభూమి పట్ల వారి ప్రేమను ప్రతిబింబించాయని 50 వసంతాలు చేరువవుతున్న తానాని చూడగానే జనసందోహం తమ ఆనందాన్ని అభివాదంతో చేతులు వూపుతూ వ్యక్తపరిచారు. న్యూయార్క్‌లో జరిగిన ఈ పెరేడ్‌ కి గ్రాండ్‌ మార్షల్స్‌ గా పాన్‌ ఇండియా స్టార్స్‌ విజయ దేవరకొండ (Vijay Devarakonda), రష్మిక (Rashmika) హాజరయ్యారు, మండు టెండలో నవ్వుతూ అందరకి వారు అభివాదము చేశారు.

తానా ఫౌండేషన్‌ ట్రస్టీ శ్రీనివాస్‌ ఓరుగంటి, సతీష్‌ మేక ముందు తరానికి అందించే కార్యక్రమాలను తెలియజేశారు. తానా స్పెషల్‌ ప్రాజెక్ట్స్‌ కోఆర్డినేటర్‌ నాగ పంచుమర్తి ఆడంబరానికి పోకుండా దాతలు ఇచ్చే ప్రతి పైసా ప్రాజెక్టులకు నిస్వార్ధముగా వినియోగిస్తున్నామని విన్నవించారు. తానా ఇంటర్నేషనల్‌ కోఆర్డినేటర్‌, అమెరికన్‌ స్కూల్‌ కమిటి సభ్యులు కృష్ణ ప్రసాద్‌ సోంపల్లి ఇంటర్నేషనల్‌ ఈవెంట్స్‌ లో కేవలం పాల్గొనటమే కాకుండా మన సమాజానికి స్ఫూర్తి నిచ్చే సమర్థవంతమైన ప్రదర్శన దాని ప్రాముఖ్యము గూర్చి విడమర్చి చెప్పారు. పెరేడ్‌ లో పాల్గొన్న్న ప్రతి ఒక్కరికి న్యూయార్క్‌ రీజినల్‌ కోఆర్డినేటర్‌ శ్రీనివాస్‌ భర్తవరపు, న్యూజెర్సీ రీజినల్‌ కోఆర్డినేటర్‌ సుధీర్‌ చంద్‌ నారెపులేపు, న్యూ ఇంగ్లాండ్‌ రీజినల్‌ కోఆర్డినేటర్‌ మౌనిక మణికొండ, వాలంటీర్స్‌ నిశాంత్‌ కొల్లి సాయి మిన్నకంటి, వినయ్‌ కూచిపూడి, రావు యలమంచలి, ప్రసాద్‌ కోయ పేరు పేరున కృతజ్ఞతలు తెలిపారు.

Click here for Photogallery