ఫుల్టన్ కౌంటీ కమిషన్ డిస్ట్రిక్ట్ 4 స్థానంలో రోహిత్ మల్హోత్రా విజయం
- Published By: Tech Team
- November 4, 2026 / 05:37 PM IST
జార్జియాలోని ఫుల్టన్ కౌంటీ కమిషన్ డిస్ట్రిక్ట్ 4 స్థానానికి జరిగిన ప్రత్యేక ఎన్నికలో, నలుగురు అభ్యర్థులు పోటీపడగా, భారతీయ-అమెరికన్ డెమొక్రాట్ రోహిత్ మల్హోత్రా దాదాపు మూడింట రెండు వంతుల ఓట్లతో విజయం సాధించారు.
మల్హోత్రా 46,103 ఓట్లు (67 శాతం) పొందగా, తోటి డెమొక్రాట్ ఆరోన్ శాంప్సన్ 16,906 ఓట్లతో (24 శాతం) రెండవ స్థానంలో నిలిచారు. స్వతంత్ర అభ్యర్థులు నటాలీ హాల్ మరియు కారెన్ రెనే వరుసగా 4,245 ఓట్లతో (6 శాతం) తర్వాతి స్థానాల్లో నిలిచారు.ఆయనకు వచ్చిన 29,000కు పైగా ఓట్ల ఆధిక్యం, రన్ఆఫ్ లేకుండానే ఈ ఎన్నికను తేల్చేసింది.
ఇవి కూడా చదవండి
సెప్టెంబర్ 28న కార్యకర్త, జార్జియా మాజీ గవర్నర్ అభ్యర్థి అయిన స్టేసీ అబ్రమ్స్ ఆయనకు మద్దతు ప్రకటించడంతో మల్హోత్రా ప్రచారం ఊపందుకుంది. ఆయన గతంలో 2025లో అట్లాంటా సిటీ కౌన్సిల్ అధ్యక్ష పదవికి పోటీ చేసి ఓటమి చెందారు.
నేపథ్యమిదీ…
అట్లాంటాలో భారతీయ వలసదారుల కుటుంబంలో జన్మించిన రోహిత్, సామాజిక సేవా సంస్థ అయిన ‘సెంటర్ ఫర్ సివిక్ ఇన్నోవేషన్ (CCI)’ వ్యవస్థాపకుడు. గతంలో ఒబామా ప్రభుత్వ హయాంలో వైట్ హౌస్ ‘యాష్ ఇన్నోవేషన్ ఫెలో’గా కూడా పనిచేశారు.
