చిరు vs అనిల్.. సంక్రాంతి ఫైట్!
- Published By: Sravani
- September 27, 2026 / 02:25 PM IST
ఈసారి సంక్రాంతి సీజన్లో టాలీవుడ్లో ఆసక్తికరమైన పోటీకి రంగం సిద్ధమవుతోంది. మెగాస్టార్ చిరంజీవి(chiranjeevi) నటిస్తున్న కాకా సినిమాతో పాటు డైరెక్టర్ అనిల్ రావిపూడి(anil ravipudi) తెరకెక్కిస్తున్న కొత్త సినిమా కూడా సంక్రాంతి రేసులో నిలిచేలా కనిపిస్తోంది. దీంతో ఈ పండుగ సీజన్లో చిరంజీవి స్టార్డమ్కు, అనిల్ రావిపూడి విజయాల పరంపరకు మధ్య ఇంట్రెస్టింగ్ పోటీ ఉండనుంది. ఇప్పటికే ఈ రెండు సినిమాలపై ప్రేక్షకుల్లో అంచనాలు భారీగా ఉన్నాయి.
ఇక కాకా(kaaka) విషయానికి వస్తే సినిమా షూటింగ్ దాదాపు ఆఖరి దశకు చేరుకుంది. ప్రస్తుతం కేవలం 20 రోజుల షూటింగ్ మాత్రమే పెండింగ్లో ఉన్నట్లు సమాచారం. మిగిలిన పనులను కూడా వేగంగా పూర్తి చేసి సంక్రాంతి బరిలో సినిమాను నిలిపేందుకు మేకర్స్ సన్నాహాలు చేస్తున్నట్లు తెలుస్తోంది. చిరంజీవి మాత్రం రిలీజ్ విషయంలో ఏమాత్రం వెనక్కి తగ్గే ఆలోచనలో లేరనే టాక్ ఇండస్ట్రీలో వినిపిస్తోంది. దీంతో సంక్రాంతి రేసు మరింత ఆసక్తికరంగా మారుతోంది.
మరోవైపు అనిల్ రావిపూడి వరుస సక్సెస్ లతో తన మార్క్ను మరింత బలంగా చాటుకుంటున్నారు. ఫ్యామిలీ ఆడియన్స్ ను ఆకట్టుకునే కమర్షియల్ ఎంటర్టైనర్లతో వరుస సక్సెస్లు అందుకుంటున్న ఆయన, ఈసారి కూడా సంక్రాంతి సీజన్ను టార్గెట్ చేస్తున్నారు. దీంతో చిరంజీవి సినిమాకు అనిల్ రావిపూడి సినిమా పోటీగా నిలవనుందనే డిస్కషన్ మొదలైంది. మరి ఈ సంక్రాంతి బరిలో రెండు సినిమాలు ఎలాంటి ప్రభావం చూపిస్తాయో, బాక్సాఫీస్ వద్ద ప్రేక్షకులు ఏ సినిమాకు ఎక్కువ ఆదరణ ఇస్తారో చూడాలి.
