ఆస్ట్రేలియాలో మన జాతీయ జెండాను ఎగరేసిన ఐష్

ఆస్ట్రేలియా లోని మెల్‌ బోర్న్‌ లో జరుగుతున్న ఇండియన్‌ ఫిలిం ఫెస్టివల్‌ ఆఫ్‌ మెల్‌ బోర్న్‌ (ఐఎఫ్‌ఎఫ్‌ఎమ్‌) 2017కు బాలీవుడ్‌ సుందరి ఐశ్వర్యా బచ్చన్‌, తన గారాల పట్టి ఆరాధ్య హాజరయిన సంగతి తెలిసిందే. ఈ సందర్భంగా 70వ స్వాతంత్య్ర దినోత్సవ వేడుకల్లో భాగంగా ఐష్‌ మన జాతీయ జెండాను ఎగురవేశారు. ఆమె వెంటన తన కూతురు ఆరాద్య కూడా ఉంది. గురువారం రాత్రి మెల్‌ బోర్న్‌ కు ఐష్‌ తన కూతురుతో కలిసి పయనమైన సంగతి తెలిసిందే. వాళ్లకు సెండ్‌ ఆఫ్‌ ఇవ్వడానికి ఐష్‌ భర్త అభిషేక్‌ ముంబై ఎయిర్‌ పోర్టుకు వచ్చారు. శుక్రవారం రాత్రి వేడుకల్లో భాగంగా బ్లాక్‌ ఎంబ్రాయిడరీ డ్రెస్‌ వేసుకున్న ఐష్‌ రెడ్‌ కార్పొట్‌ పై నడిచి అందరి మనస్సులను దోచేసింది. ఇక ఐష్‌ను ఐఐఎఫ్‌ఎమ్‌ ఎక్సలెన్స్‌ కింద గ్లోబల్‌ సినిమా అవార్డు వరించింది. అవార్డు అందుకున్న ఐష్‌, ఈ అవార్డు అందుకోవడం ఎంతో ఆనందంగా ఉంది. మనలాంటి సృజనాత్మక వ్యక్తులు ఎప్పడూ ఎదో ఒకటి చేయడానికే పరితపిస్తుంటారు. రెస్ట్‌ కు నేను వ్యతిరేకిని. ఒక నటిగా ఇంకా ఎంతో నేను చేయాల్సి ఉంది. ఈ అవార్డు రావడం ఎంతో గౌరవంగా ఫీల్‌ అవుతున్నా. నన్ను ఆదరిస్తున్న నా అభిమానులందరికీ కృతజ్ఞతలు. మీ వల్లనే మా కలలను సాకారం చేసుకుంటున్నా అని తెలిపింది.