NBK: బాల‌య్య నెక్ట్స్ పై ఇంట్రెస్టింగ్ రూమ‌ర్

నందమూరి బాలకృష్ణ(Nandamuri Balakrishna) అఖండ(Akhanda) సినిమా నుంచి తన కెరీర్‌లో కొత్త దశను ప్రారంభించిన విషయం తెలిసిందే. అప్పటి నుంచి ఆయన వరుసగా కంటెంట్‌కు ప్రాధాన్యత ఉన్న భారీ ప్రాజెక్ట్‌లతో ప్రేక్షకులను ఆకట్టుకుంటున్నారు. ప్రస్తుతం గోపిచంద్ మలినేని(Gopichand Malineni) దర్శకత్వంలో తన 111వ సినిమాను చేస్తున్నారు బాల‌య్య‌(balayya). ఈ సినిమాపై ఇప్పటికే భారీ అంచనాలు నెలకొన్నాయి. మాస్ ఎలిమెంట్స్‌తో పాటు స్ట్రాంగ్ కథతో ఈ సినిమా తెరకెక్కుతోందని సినీ వర్గాలు చెబుతున్నాయి.

ఇదిలా ఉంటే, ఈ సినిమా తర్వాత బాలకృష్ణ మరో ఆసక్తికరమైన కాంబినేషన్‌లో కనిపించబోతున్నట్టు టాక్ వినిపిస్తోంది. యంగ్ డైరెక్ట‌ర్ వివేక్ ఆత్రేయ(Vivek Athreya)తో బాలయ్య కలిసి పని చేయనున్నారని సమాచారం. తన ప్రత్యేకమైన కథనం, కొత్త తరహా ట్రీట్మెంట్‌తో గుర్తింపు పొందిన ఆత్రేయ, బాలయ్యలాంటి మాస్ హీరోతో సినిమా చేస్తే అదెలా ఉంటుందో అన్న ఆసక్తి అభిమానుల్లో నెలకొంది. ఈ కాంబినేషన్ నిజమైతే, ఇది బాలయ్య కెరీర్‌లో మరో విభిన్నమైన ప్రయోగంగా నిలిచే అవకాశం ఉంది.