గ్రీన్‌ప్లై సరికొత్త పర్యావరణ విప్లవం: ‘నామ్ సే హీ నహీ, కామ్ సే భీ గ్రీన్’.. ప్రతి ప్లైవుడ్ షీట్‌కూ ఒక మొక్క!

ప్రపంచ పర్యావరణ దినోత్సవం సందర్భంగా ప్రముఖ ఉడ్‌ ప్యానెల్ రంగ సంస్థ గ్రీన్‌ప్లై ఇండస్ట్రీస్ లిమిటెడ్ (Greenply Industries Limited) ప్రకృతి సంరక్షణ కోసం ఒక అద్భుతమైన సరికొత్త నిర్ణయాన్ని ప్రకటించింది. కేవలం కాగితాలకే పరిమితం కాకుండా, తాము విక్రయించే ప్రతి ప్లైవుడ్ షీట్‌లోనూ పర్యావరణ బాధ్యతను పెంపొందించేలా ఒక దీర్ఘకాలిక వాగ్దానాన్ని తెరపైకి తెచ్చింది. తమ సంస్థకు ఉన్న ‘నామ్ సే హీ నహీ, కామ్ సే భీ గ్రీన్’ (పేరులోనే కాదు, పనిలోనూ పచ్చదనం) అనే నినాదంలో భాగంగా.. ఇకపై మార్కెట్లోకి సరఫరా చేసే ప్రతి గ్రీన్‌ప్లై ప్లైవుడ్ షీట్‌కు ప్రతిగా దేశంలో ఒక మొక్కను నాటనున్నట్లు కంపెనీ ఇవాళ అధికారికంగా ప్రకటించింది. ఇది కేవలం ఒక నిర్దిష్ట గడువుతో ముగిసిపోయే తాత్కాలిక ప్రచారం (క్యాంపెయిన్) కాదని, గ్రీన్‌ప్లై మార్కెట్లో ఉన్నంత కాలం భారతదేశాన్ని మరింత పచ్చగా మార్చేందుకు సాగే నిరంతర ప్రక్రియ అని స్పష్టం చేసింది.

మౌలిక సదుపాయాల (ఇన్‌ఫ్రాస్ట్రక్చర్) తో సమానంగా అడవులు కూడా అత్యంత కీలకమైన మన దేశంలో, తాము ప్రకృతి నుండి తీసుకునే వనరులను తిరిగి పునరుద్ధరించాల్సిన , తీసుకున్నదాని కంటే ఎక్కువ మొత్తంలో ప్రకృతికి తిరిగి ఇవ్వాల్సిన కనీస బాధ్యత ఉడ్ ప్యానెల్ పరిశ్రమపై ఉందని గ్రీన్‌ప్లై బలంగా నమ్ముతోంది. కంపెనీ సరఫరా చేసే ప్రతి ప్లైవుడ్ షీట్ ద్వారా ఒక మొక్క నాటబడటం వల్ల.. ప్రతి ఒక్క ఇండ్ల యజమానులు, ఆర్కిటెక్ట్‌లు, కార్పెంటర్లు, డీలర్లు , ఛానల్ పార్ట్‌నర్లు తమ కొనుగోలు విధానాన్ని మార్చుకోవాల్సిన అవసరం లేకుండా, కేవలం గ్రీన్‌ప్లై ఉత్పత్తులను ఎంచుకోవడం ద్వారా భారతదేశ హరిత భవిష్యత్తులో ప్రత్యక్ష భాగస్వాములు కావచ్చు.

తీసుకున్న దానికంటే ప్రకృతికి ఎక్కువే ఇస్తాం: సీఎండీ రాజేష్ మిట్టల్
ఈ సరికొత్త పర్యావరణ చొరవ గురించి గ్రీన్‌ప్లై ఇండస్ట్రీస్ లిమిటెడ్ చైర్మన్ కమ్ మేనేజింగ్ డైరెక్టర్ (CMD) రాజేష్ మిట్టల్ మాట్లాడుతూ, “ప్రకృతి నుండి మనం తీసుకునే దానికంటే ఎక్కువ మొత్తంలో దానికి తిరిగి ఇవ్వడమే గ్రీన్‌ప్లై ప్రధాన సిద్ధాంతం. మేము సరఫరా చేసే ప్రతి ప్లైవుడ్ షీట్‌కు ఒక మొక్కను నాటాలనే మా తాజా నిశ్చయం ఈ సిద్ధాంతానికి ఒక నిదర్శనం. మాకు సస్టైనబిలిటీ (సుస్థిరత) అంటే కేవలం ఉత్పత్తులను తయారు చేయడం మాత్రమే కాదు; పరిశ్రమలో ఒక ఆదర్శవంతమైన నాయకత్వాన్ని ప్రదర్శించడం, పూర్తి బాధ్యతను వహించడం , ప్లాంటేషన్ కార్యక్రమాల ద్వారా వ్యవసాయ వర్గాల జీవనోపాధిని మెరుగుపరచడం. ‘నామ్ సే హీ నహీ, కామ్ సే భీ గ్రీన్’ అనే మా నమ్మకంతో, మీరు చేసే ప్రతి గ్రీన్‌ప్లై కొనుగోలు మిమ్మల్ని పచ్చని భవిష్యత్తు వైపు ఒక అడుగు ముందుకు నడిపిస్తుంది” అని పేర్కొన్నారు.

లాంగ్-టర్మ్ పర్యావరణ పునరుద్ధరణ:
ఈ సరికొత్త వ్యూహం కింద ఇన్‌ఫ్రాస్ట్రక్చర్ డెవలప్‌మెంట్ కోసం సరఫరా చేయబడే ప్రతి గ్రీన్‌ప్లై ప్లైవుడ్ షీట్ ద్వారా ఒక మొక్క నాటబడుతుంది. ఇది ఒకే ఒక్కసారి చేసే ఆక్టివేషన్ కాదని, పర్యావరణ పునరుద్ధరణలో హోమ్ ఓనర్స్, ఆర్కిటెక్ట్స్, ఇంటీరియర్ డిజైనర్స్, కార్పెంటర్స్, డీలర్స్ , ట్రేడర్స్ అందరినీ బాధ్యతాయుతమైన భాగస్వాములను చేస్తూ దేశ పచ్చదనం కోసం సాగే దీర్ఘకాలిక ప్లాన్ అని సంస్థ తెలిపింది.

10 కోట్ల ప్లాంటేషన్ల వైపు గ్రీన్‌ప్లై అడుగులు
గ్రీన్‌ప్లై సంస్థకు సుస్థిర పర్యావరణ పరిరక్షణలో సుదీర్ఘమైన చరిత్ర ఉంది. ఇప్పటికే దేశవ్యాప్తంగా 9 కోట్ల (90 మిలియన్లు) మొక్కలను నాటాలనే భారీ మైలురాయిని విజయవంతంగా దాటిన ఈ సంస్థ, ప్రస్తుతం తన తదుపరి లక్ష్యమైన 10 కోట్ల (100 మిలియన్లు) ప్లాంటేషన్ల మార్కును చేరుకోవడానికి వేగంగా అడుగులు వేస్తోంది. గత కొన్నేళ్లుగా గ్రీన్‌ప్లై తన తయారీ కేంద్రాలు (మాన్యుఫ్యాక్చరింగ్ లొకేషన్స్) ఉన్న పరిసర ప్రాంతాలలో ప్లాంటేషన్ కార్యక్రమాలను నిర్వహించడం, ధృవీకరించబడిన , బాధ్యతాయుతమైన పద్ధతుల్లో కలపను సేకరించడం (Responsible Timber Sourcing), రైతుల ఉత్పాదకతను , జీవనోపాధిని పెంచేలా ప్రత్యేక ఆగ్రోఫారెస్ట్రీ (Agroforestry) ప్రోగ్రామ్స్‌ను చేపట్టడం , తన ఉత్పాదక ఫ్యాక్టరీలలో క్రమంగా పునరుత్పాదక ఇంధనాన్ని (Renewable Energy) వినియోగించడం వంటి పనుల ద్వారా పర్యావరణ అనుకూల ఎకోసిస్టమ్‌ను నిరంతరం బలోపేతం చేస్తూ వస్తోంది.

ప్రస్తుత కాలంలో వినియోగదారులు, వ్యాపార సంస్థలు , సమాజం అంతా పర్యావరణ సుస్థిరతకు అత్యంత ప్రాధాన్యత ఇస్తున్న తరుణంలో, గ్రీన్‌ప్లై కేవలం మాటలకే పరిమితం కాకుండా దీర్ఘకాలిక ప్రభావం చూపే క్షేత్రస్థాయి చర్యలపైనే ప్రత్యేక దృష్టి కేంద్రీకరించింది. భారతదేశం తన పర్యావరణ లక్ష్యాల వైపు వేగంగా దూసుకుపోతున్న వేళ, గ్రీన్‌ప్లై తీసుకున్న ఈ సరికొత్త నిర్ణయం ఆ సంస్థను కేవలం మార్కెట్ లీడర్‌గానే కాకుండా, దేశ పర్యావరణ పునరుద్ధరణలో , దేశ హరిత భవిష్యత్తు నిర్మాణంలో ఒక ప్రధాన భాగస్వామిగా నిలబెడుతుందని నిపుణులు విశ్లేషిస్తున్నారు.