రష్యాపై కొత్త ఆంక్షలు విధిస్తాం : బైడెన్

అమెరికా అధ్యక్షుడు జో బైడెన్‌ మరోసారి నోరు జారారు. రష్యా అధ్యక్షుడు పుతిన్‌ ను అసభ్య పదజాలంతో దూషించారు. ఆయన వల్ల అణుయుద్ధం రూపంలో మానవాళి మనుగడకు ముప్పు పొంచి ఉందన్నారు. శాన్‌ఫ్రాన్సిస్కోలో బైడెన్‌ మీడియాతో మాట్లాడుతూ పుతిన్‌ లాంటి వెర్రి వ్యక్తులు అధ్యక్షులుగా ఉన్నంతకాలం అణుయుద్ధం గురించి ఆందోళన చెందాల్సిందే. అలాంటి వ్యక్తులతో మానవాళి మనుగడకు ప్రమాదం. రేపటి నుంచి రష్యాపై కొత్త ఆంక్షలు విధిస్తాం అని బైడెన్‌ తెలిపారు.  డొనాల్డ్‌ ట్రంప్‌ పైనా విమర్శలు చేశారు. రష్యా ప్రతిపక్ష నాయకుడు నావల్నీ మృతికి, తాను ఎదుర్కొంటున్న న్యాయపరమైన సమస్యలకు ముడిపెడుతూ ట్రంప్‌ మాట్లాడటాన్ని బైడెన్‌ తప్పుబట్టారు.