హైదరాబాద్ మరో అరుదైన ఘనత…గ్లోబల్ సిటీస్ జాబితాలో

హైదరాబాద్‌ దేశంలోనే అత్యంత వేగంగా అభివృద్ధి చెందుతున్న నగరంగా ఖ్యాతి సంపాదించింది. ప్రపంచంలోని ఇతర నగరాలతో పోలిస్తే హైదరాబాద్‌ భౌగోళిక స్వరూపం, శీతోష్ణస్థితి పరిస్థితులు మరింత విశిష్టంగా మారుస్తున్నాయి. తాజాగా ఆక్స్‌ఫర్డ్‌ ఎకనామిక్స్‌ గ్లోబల్‌ సిటీస్‌ ఇండెక్స్‌ `2024 పేరుతో తాజాగా విడుదల చేసి ఒక నివేదికలో హైదరాబాద్‌ ప్రపంచస్థాయి నగరాల జాబితాలో చోటు సంపాదించుకుంది. ప్రపంచవ్యాప్తంగా 564వ స్థానంలో హైదరాబాద్‌ ఉంది. గ్లోబల్‌ సిటీస్‌ ఇండెక్స్‌  ప్రకారం ప్రపంచంలోని అగ్ర నగరాల జాబితాలో ఢిల్లీ గ్లోబల్‌ ర్యాంకు 350 సాధించి భారత్‌లో తొలిస్థానంలో నిలిచింది.

ప్రపంచవ్యాప్తంగా ఈజాబితాలో న్యూయార్క్‌ అగ్రస్థానంలో ఉందని నివేదిక పేర్కొంది. స్వతంత్ర ఆర్థిక సలహాసంస్థగా పేరొందిన ఆక్స్‌ఫర్డ్‌ ఎకనామిక్స్‌ ఇచ్చిన ర్యాంకింగ్‌లో భారతదేశంలోని టాప్‌ 10 నగరాల జాబితాలో హైదరాబాద్‌ 9వ స్థానం నిలిచింది. ఎకనామిక్స్‌, హ్యూమన్‌ క్యాపిటల్‌, జీవన నాణ్యత, పర్యావరణం, పాలన అనే నాలుగు అంశాల ఆధారంగా ర్యాంకులను ఇచ్చినట్లు గ్లోబల్‌ సిటీస్‌ ఇండెక్స్‌ పేర్కొంది. నాలుగు ఇండెక్స్‌లో హైదరాబాద్‌ ఎకనామిక్స్‌లో అత్యుత్తమ పనితీరు కనబరించింది.