ఎమ్మెల్యే మేకా ప్రతాప్ కు కరోనా పాజిటివ్

నూజివీడు శాసనసభ్యుడు మేకా వెంకట ప్రతాప్‍ అప్పారావుకు కరోనా పాజిటివ్‍గా నిర్ధారణ అయింది. ఐదు నెలలుగా ప్రజాహిత కార్యక్రమాల్లో విరివిగా పాల్గొంటున్న ఎమ్మెల్యే ప్రతాప్‍ రెండు రోజుల కిందట కరోనా పరీక్ష చేయించుకోగా పాజిటివ్‍ వచ్చింది. తనకు కరోనా లక్షణాలు చాలా స్వల్పంగా ఉన్నాయని, తాను ఆరోగ్యంగానే ఉన్నానని ఎమ్మెల్యే ప్రతాప్‍ చెప్పారు. ప్రస్తుతం తాను హైదరాబాద్‍లో క్వారంటైన్‍లో ఉన్నట్లు తెలిపారు. నియోజకవర్గంలో ఎవరైనా అత్యవసరమైతే ఫోన్‍లో తనను సంప్రదించవచ్చనన్నారు. ఎవరికైనా పనులుంటే పట్టణంలోని తన కార్యాలయానికి వెళ్లి కార్యాలయ సిబ్బంది దృష్టికి తీసుకెళ్తే పరిష్కరిస్తారన్నారు.