హ్యూస్టన్ తెలుగు సాంస్కృతిక సమితి ఆధ్వర్యంలో ‘గోల్డెన్ జూబ్లీ టీసీఏ పిక్నిక్ 2026’ ఏర్పాట్లు ముమ్మరం…

అమెరికాలోని హ్యూస్టన్ తెలుగు సాంస్కృతిక సమితి (TCA – Telugu Cultural Association) తమ ప్రస్థానంలో అద్భుతమైన 50 సంవత్సరాలు పూర్తి చేసుకున్న సందర్భంగా గోల్డెన్ జూబ్లీ(Golden Jubilee) వేడుకల ఏర్పాట్లు ముమ్మరం చేసింది. ఈ సందర్భాన్ని పురస్కరించుకుని కమ్యూనిటీ సభ్యులందరి కోసం గోల్డెన్ జూబ్లీ టీసీఏ పిక్నిక్ 2026 కార్యక్రమాన్ని ఏర్పాటు చేసినట్లు నిర్వాహకులు ప్రకటించారు. రుచికరమైన వంటకాలు, ఆటపాటలు, సంగీతం, సాంస్కృతిక కార్యక్రమాలు, మధురమైన జ్ఞాపకాలతో ఈ కుటుంబ పిక్నిక్ వేడుకను అద్భుతంగా నిర్వహించనున్నారు.

తేదీ, వేదిక వివరాలు…
ఈ ఆహ్లాదకరమైన కుటుంబ సమ్మేళనం అక్టోబర్ 25, 2026వ తేదీన ఉదయం 11:00 గంటల నుండి సాయంత్రం 5:00 గంటల వరకు కొనసాగనుంది. అమెరికాలోని టెక్సాస్ రాష్ట్రం మిస్సౌరీ సిటీలోని ప్రఖ్యాత కిట్టి హాలో పార్క్(Kitty Hollow Park)లోని పెవిలియన్ E & F ఈ వేడుకకు ప్రధాన వేదికగా నిలిచింది.

పార్క్ చిరునామా: 9555 Hwy 6 S, Missouri City, TX 77459.

ప్రవేశ రుసుము…
ఈ పిక్నిక్ వేడుకలో పాల్గొనే ప్రతి ఒక్కరికి ప్రవేశ రుసుముగా వ్యక్తికి 10 డాలర్లుగా నిర్ణయించారు. అయితే, 10 సంవత్సరాల లోపు ఉన్న పిల్లలకు మాత్రం పూర్తిగా ఉచితంగా ప్రవేశం కల్పించనున్నారు. పాల్గొనదలుచుకున్న వారు Zelle ద్వారా ‘[email protected]’ కు చెల్లింపులు చేయవచ్చు. ఈ వేడుకలకు సంబంధించిన స్పాన్సర్‌షిప్ లేదా ఇతర సహాయ సహకారాల కోసం 713-438-4277 నంబర్‌ను సంప్రదించవచ్చని నిర్వాహకులు తెలిపారు.

కార్యవర్గ సభ్యుల ఆధ్వర్యంలో ఏర్పాట్లు
2026-27 సంవత్సరానికి సంబంధించిన కార్యవర్గ (Executive Board) సభ్యుల పర్యవేక్షణలో ఈ వేడుక ఏర్పాట్లు జరుగుతున్నాయి. ప్రెసిడెంట్ యాదగిరి రెడ్డి కుడుముల, జనరల్ సెక్రటరీ రామకృష్ణ గొడవర్తి, ట్రెజరర్ జయశ్రీ బొందు, స్పోర్ట్స్ అండ్ స్పెషల్ ప్రాజెక్ట్స్ వాణి, వెబ్ & కమ్యూనికేషన్స్ శ్రీ సురెడ్డి, లిటరరీ కోఆర్డినేటర్ మైథిలి చాగంటి తదితరులు నిర్వహణను చూసుకుంటున్నారు. “తెలుగు వారి సంప్రదాయం – అందరికీ ఆదర్శం” అనే గొప్ప నినాదంతో సాగుతున్న ఈ గోల్డెన్ జూబ్లీ పిక్నిక్‌కు ప్రవాస తెలుగు కుటుంబాలన్నీ భారీ సంఖ్యలో తరలివచ్చి విజయవంతం చేయాలని నిర్వాహకులు కోరారు.