Rakasa: రాకాస పెయిడ్ ప్రీమియ‌ర్ల‌కు ప్లాన్.. ఎప్పుడంటే?

మెగా కుటుంబానికి చెందిన నిహారిక కొణిదెల(niharika konidela) నిర్మాణంలో రూపొందుతున్న తాజా సినిమా రాకాస(rakasa) విడుదలకు సిద్ధమైంది. పింక్ ఎలిఫెంట్ పిక్చర్స్(Pink elephant pictures) బ్యానర్‌పై, జీ స్టూడియోస్(Zee Studios) భాగస్వామ్యంతో ఈ సినిమా నిర్మాణం జరిగింది. దర్శకురాలు మానస శర్మ(manasa sarma) ఈ సినిమాను ఫాంటసీ కామెడీ నేపథ్యంలో తెరకెక్కించగా, సంగీత్ శోభన్(Sangeeth Sobhan) హీరోగా, నయన్ సారిక(Nayan Sarika) హీరోయిన్ గా న‌టించారు. విభిన్నమైన కాన్సెప్ట్‌తో రూపొందిన ఈ సినిమా ఏప్రిల్ 3, 2026న ప్రపంచవ్యాప్తంగా ప్రేక్షకుల ముందుకు రానుంది.

సినిమాపై ఉన్న నమ్మకాన్ని తెలియజేస్తూ, విడుదలకు ఒక రోజు ముందుగానే స్పెష‌ల్ ప్రీమియర్ షోలను ప్లాన్ చేయడం విశేషంగా మారింది. ఏప్రిల్ 2న ఆంధ్రప్రదేశ్ మరియు తెలంగాణలోని ముఖ్య నగరాల్లో పెయిడ్ ప్రీమియర్స్ నిర్వహించనున్నారు. సాధారణంగా కంటెంట్‌పై పూర్తి విశ్వాసం ఉన్నప్పుడే ఇలాంటి నిర్ణయాలు తీసుకుంటారు. ఈ నేపథ్యంలో రాకాస టీమ్ తమ సినిమాపై పూర్తి ధీమాతో ఉందని స్పష్టమవుతోంది. ప్రేక్షకుల నుంచి ముందస్తు రెస్పాన్స్ ఎలా ఉంటుందన్న ఆసక్తి ఇండస్ట్రీ వర్గాల్లో నెలకొంది.