యంగ్ హీరో మాట‌ల‌కు ఎమోష‌నల్ అయిన మ‌మ్ముట్టి

మలయాళ చిత్రసీమలో లెజెండ్‌గా గుర్తింపు పొందిన మ‌మ్ముట్టి(Mammotty) తాజాగా చేసిన ఒక వ్యాఖ్య ఇండస్ట్రీలో ఆసక్తికర చర్చకు దారితీసింది. తన రాబోయే సినిమా పేట్రియాట్(Petriat) ప్రమోషన్స్‌లో పాల్గొన్న సందర్భంగా ఆయన చేసిన వ్యాఖ్యలు, అనుభవం- ప్యాషన్ మధ్య ఉన్న అనుబంధాన్ని మరోసారి వెలుగులోకి తెచ్చాయి. దశాబ్దాల కెరీర్‌తో పాటు వందలాది సినిమాల్లో నటించినప్పటికీ, ఒక యువ నటుడి భావోద్వేగ ప్రసంగం తనను లోతుగా ప్రభావితం చేసిందని చెప్పడం సినీ వర్గాల్లో చర్చనీయాంశమైంది.

ఈ వ్యాఖ్యల తర్వాత మొదటగా పలువురు, ఆయన మాటలు కెన్ క‌రుణాస్(Ken karunas) గురించేనని భావించారు. అయితే తర్వాత తెలిసిందేంటంటే అబిస‌న్(Abison) అనే యంగ్ హీరో గురించి మమ్ముట్టి మాట్లాడార‌ని. సోషల్ మీడియా ద్వారా గుర్తింపు పొందిన అబిసన్, యూత్ అనే సినిమాతో హీరోగా డెబ్యూ చేశాడు. ఇన్‌స్టాగ్రామ్‌లో కామెడీ స్కిట్స్ ద్వారా పాపులర్ అయిన ఆయన, తన టాలెంట్‌తోనే సినిమా అవకాశాలను సాధించుకోవడం గమనార్హం.

యూత్ సినిమా సక్సెస్ మీట్‌లో అబిసన్ చేసిన స్పీచ్ ప్రేక్షకులను మాత్రమే కాకుండా ఇండస్ట్రీ వ్యక్తులను కూడా భావోద్వేగానికి గురిచేసింది. చిన్ననాటి కలల నుంచి సినిమా వరకు వచ్చిన తన ప్రయాణాన్ని ఆయన నిజాయితీగా వివరించడం, అవకాశాల కోసం చేసిన ప్రయత్నాలు, చివరికి తనకు వచ్చిన బ్రేక్ ఇవ‌న్నీ కలిసి ఒక ప్రేరణాత్మక కథగా నిలిచాయి. ఈ ప్రసంగాన్ని విన్నప్పుడు కెన్ క‌రుణాస్ కూడా ఎమోషనల్ కావడం, ఆ క్షణానికి మరింత బరువు తీసుకొచ్చింది.