హీరో అయినా సీక్రెట్‌గా థియేటర్‌కు.. విశ్వక్‌సేన్ కొత్త స్టైల్!

టాలీవుడ్ యంగ్ హీరో విశ్వక్‌సేన్(viswaksen) తనదైన యాక్టింగ్ తో, విభిన్నమైన స్టోరీల సెలెక్ష‌న్ తో ఆడియ‌న్స్ లో ప్రత్యేక గుర్తింపు సంపాదించుకున్నారు. సినిమాల విషయంలో ఎప్పుడూ ఆసక్తిగా ఉండే ఆయనకు థియేటర్‌లో సినిమా చూడటం అంటే ఎంతో ఇష్టమని రీసెంట్ గా ఓ ఇంట‌ర్వ్యూలో చెప్పారు. రెగ్యుల‌ర్ ఆడియ‌న్స్ లాగా ఎలాంటి హంగామా లేకుండా ఒంటరిగా థియేటర్లకు వెళ్లి సినిమాలు చూస్తానని విశ్వక్‌సేన్ తాజాగా వెల్లడించారు. తాజాగా ఆయన చేసిన కామెంట్స్ ఆసక్తికరంగా మారాయి.

రీసెంట్ గా జైలర్2(Jailer2) సినిమాను సైతం ఒంటరిగానే థియేటర్లలో చూశాన‌ని విశ్వక్‌సేన్ తెలిపారు. తాను థియేటర్‌లో ఉన్న విషయాన్ని కూడా చాలామందికి తెలియ‌ద‌ని చెప్పారు. ప్రేక్షకుల మధ్యలో కూర్చొని సినిమా చూడటంలో త‌న‌కు ఓ ర‌క‌మైన ఆనందం ఉంటుందని ఆయన మాటల ద్వారా అర్థ‌మవుతుంది. అయితే, తన పక్కన ఎవరూ కూర్చోకుండా ఉండేందుకు మాత్రం త‌న ద‌గ్గ‌ర ఓ తెలివైన ప్లాన్ కూడా ఉంద‌ని చెప్పారు.

తాను కూర్చునే సీటుకు రెండు ప‌క్క‌లా ఖాళీగా ఉండేలా మొత్తం మూడు టికెట్లు బుక్ చేసుకుంటానని విశ్వక్‌సేన్ వెల్లడించారు. దీంతో మధ్య సీటులో కూర్చొని ప్రశాంతంగా సినిమా చూసే అవకాశం లభిస్తుందని ఆయన చెప్ప‌డం అంద‌రినీ ఆశ్చ‌ర్యానికి గురిచేస్తోంది. స్టార్ హీరో అయినప్పటికీ, నార్మ‌ల్ ఆడియ‌న్స్ లాగా థియేటర్‌లో సినిమాలు చూడటానికి ఇంట్రెస్ట్ చూపించడం విశ్వక్‌సేన్ కు సినిమాపై ఉన్న ప్రేమకు నిదర్శనంగా నిలుస్తోంది.