సక్సెస్ మీట్స్‌పై విశ్వక్‌సేన్ సంచలన వ్యాఖ్యలు!

టాలీవుడ్‌లో తనకంటూ ప్రత్యేకమైన గుర్తింపు తెచ్చుకున్న యంగ్ హీరో విశ్వక్‌సేన్(Viswaksen) మరోసారి తన కామెంట్స్ తో వార్తల్లో నిలిచారు. సాధారణంగా సినిమా స‌క్సెస్ అయిన‌ప్పుడు మూవీ టీమ్ సక్సెస్ మీట్లు నిర్వహిస్తూ ప్రేక్షకులకు కృతజ్ఞతలు తెలుపుతుంది. అయితే, తన గత సినిమాలైన ఫంకీ(Funky), గ్యాంగ్స్ ఆఫ్ గోదావ‌రి(GOG), మెకానిక్ రాకీ(Mechanic rockey) సినిమాలకు తాను సక్సెస్ మీట్లు నిర్వహించలేదని విశ్వక్‌సేన్ వెల్లడించారు. సినిమా నిర్మాణం కంటే సక్సెస్ మీట్ నిర్వహించడమే తనకు కష్టమైన విషయమని ఆయన చేసిన కామెంట్స్ ఆసక్తిని రేకెత్తిస్తున్నాయి.

సినిమా రిలీజైన తర్వాత దాని రిజ‌ల్ట్ తో సంబంధం లేకుండా మీడియా ముందుకు వచ్చి మాట్లాడటం అంత ఈజీ కాదని విశ్వక్‌సేన్ అభిప్రాయపడ్డారు. ముఖ్యంగా సినిమా ఆశించిన స్థాయిలో స‌క్సెస్ అవ‌న‌ప్పుడు సక్సెస్ మీట్ నిర్వహించడం మరింత ఇబ్బందికరంగా అనిపిస్తుందని ఆయన మాట‌ల ద్వారా అర్థమవుతోంది. సినిమా కోసం ఎంతో కష్టపడి పనిచేసినప్పటికీ, రిలీజ్ తర్వాత ఎదురయ్యే పరిస్థితులను కూడా నటీనటులు ఎదుర్కోవాల్సి ఉంటుందని ఆయన మాటలు సూచిస్తున్నాయి.

సక్సెస్ మీట్‌లో ఏమీ జరగనట్లుగా కూర్చొని, అంతా మామూలుగా ఉన్నట్లు నటించాల్సి వస్తుందని విశ్వక్‌సేన్ పేర్కొన్నారు. సక్సెస్ మీట్ నిర్వహించడం కంటే సినిమా తీయడమే సులభంగా అనిపిస్తుంద‌ని, అక్కడ కూర్చొని ఏమీ జరగనట్లుగా నటించాల‌నే ఆయన మాట‌లు ఇండ‌స్ట్రీలో సినిమా రిజ‌ల్ట్స్ తర్వాత ఉండే ఒత్తిడిని మరోసారి చర్చకు తీసుకొచ్చాయి. సినిమాల నిర్మాణం, రిలీజ్‌తో పాటు వాటి ఫలితాలను బహిరంగంగా ఎదుర్కోవడం కూడా సినీ ప్రముఖులకు సవాలుగా మారుతుందనే విషయాన్ని విశ్వ‌క్ కామెంట్స్ ప్రతిబింబిస్తున్నాయి.