‘‘జయమ్ము నిశ్చయమ్మురా విత్ జగపతి’’లో అందర్నీ ఆకర్షిస్తోన్న సాయి పల్లవి

న్యూయార్క్ : జీ తెలుగులో ప్రసారమయ్యే ప్రముఖ సెలబ్రెటీ టాక్ షో ‘‘జయమ్ము నిశ్చయమ్మురా విత్ జగపతి’’ రెండో సీజన్ తో తిరిగి వచ్చేస్తోంది. ఎంతో ఆసక్తిగా ఎదురుచూస్తున్న అతిథి సాయి పల్లవితో గెస్ట్ తో ఈ షో ప్రారంభం అయ్యింది.తన సహజమైన నటన, ప్రజల్లో అపారమైన అట్రాక్షన్ వున్న ఈ నటి… ఈ గ్రాండ్ ప్రీమియర్ ఎపిసోడ్ కి ప్రధాన ఆకర్షణగా నిలుస్తోంది. కల్మషం లేని సంభాషణలు, వ్యక్తిగత జ్ఞాపకాలు మరియు ఆసక్తికరమైన విషయాలతో నిండిన ఈ సీజన్‌కు నాంది పలుకుతున్నారు.

ప్రముఖ నటుడు జగపతి బాబు హోస్ట్‌గా వ్యవహరిస్తున్న ‘జయమ్ము నిశ్చయమ్ము రా’, తెలుగు వినోద రంగంలో ఒక ప్రత్యేక వేదికగా నిలిచింది. ఇది సినీ ప్రముఖులను వారి తెరపై కనిపించే పాత్రలకు అతీతమైన విషయాల గురించి చర్చించేలా ప్రోత్సహిస్తుంది. మొదటి సీజన్‌లో అక్కినేని నాగార్జున, శ్రీలీల వంటి ప్రముఖులు అతిథులుగా పాల్గొనగా, వారి వ్యక్తిగత జీవితాలు, కెరీర్ ప్రయాణాలు మరియు కీలకమైన బంధాల గురించి ఎంతో ఆసక్తికరమైన విషయాలను ప్రేక్షకులతో పంచుకున్నారు.

అర్థవంతమైన డైలాగ్స్, తమ బాల్యంలోని అనుభవాలను తిరిగి గుర్తు చేసుకోవడం, ఇతరులకు తెలియని విషయాలను పంచుకోవడం లాంటి విషయాలతో పాటు మరిన్ని కొత్త విషయాలో ఈ సీజన్ 2 వచ్చింది.

ఈ కొత్త సీజన్ కి అద్భుతమైన నటి సాయి పల్లవి ప్రేక్షకులతో అద్భుతమైన ప్రశంసలు అందుకుంటోంది. భావోద్వేగమైనపాత్రలను పోషించడంలో ఆమె పేరు కాంచింది. ఆమె పోషించిన సీత పాత్ర ఆ బంధాన్ని మరింత బలపరిచింది, చాలా మంది ప్రేక్షకులు ఆమెను ఆప్యాయంగా “మన సీత”గా స్వీకరిస్తున్నారు. రాబోయే రామాయణంలో ఆమె పాత్రపై అంచనాలు పెరుగుతున్న నేపథ్యంలో, ఈ ఎపిసోడ్‌కు ప్రత్యేక ప్రాముఖ్యత ఉంది, ఎందుకంటే సినిమా టైటిల్ ప్రకటన తర్వాత సాయి పల్లవి ఇస్తున్న మొట్టమొదటి ప్రత్యేక ఇంటర్వ్యూ ఇదేనని భావిస్తున్నారు. ఆమె నిరాడంబర వ్యక్తిత్వం మరియు స్వచ్ఛమైన నిష్కపటత్వం ఆమెను సమకాలీన భారతీయ సినిమా రంగంలో అత్యంత ప్రశంసలు పొందిన గొంతుకలలో ఒకటిగా నిలబెట్టాయి.

సీజన్ ప్రీమియర్‌లో, సాయి పల్లవి జగపతి బాబుతో కలిసి తన ప్రయాణం, మధురమైన జ్ఞాపకాలు, ప్రేక్షకులు అరుదుగా చూసే వ్యక్తిగత అనుభవాల గురించి ఆత్మీయంగా, ఉత్సాహంగా మాట్లాడనున్నారు. రామాయణంతో ఆమెకున్న అనుబంధంపై ఆసక్తి పెరిగిన నేపథ్యంలో, తాము అభిమానించే నటి వెనుక ఉన్న కథలు, దృక్కోణాలు, అనుభవాలను తెలుసుకునేందుకు ఈ ఎపిసోడ్ ప్రేక్షకులకు ఒక ప్రత్యేకమైన అవకాశాన్ని అందిస్తుంది. జగపతి బాబు ఆత్మీయ, సరళమైన సంభాషణా శైలితో సాగే ఈ సంభాషణ, సహజత్వంతో అందర్నీ ఆకర్షిస్తుంది.

ఈ ప్రారంభోత్సవం సందర్భంగా జీ ఎంటర్‌టైన్‌మెంట్ ఎంటర్‌ప్రైజెస్ లిమిటెడ్, అమెరికాస్ టెరిటరీ హెడ్ హరీష్ గోయల్ మాట్లాడుతూ, “సాయి పల్లవికి నటిగా, వ్యక్తిగా తన సహజత్వంతో ప్రేక్షకులతో మమేకమయ్యే అరుదైన సామర్థ్యం ఉంది. తాము అభిమానించే తారల యొక్క మరింత వ్యక్తిగతమైన, నిష్కపటమైన కోణాన్ని చూసే అవకాశాన్ని ‘జయమ్ము నిశ్చయమ్ము రా’ అభిమానులకు అందిస్తుంది. భారతీయ సినిమా రంగంలో అత్యంత అభిమానించే తారలలో ఒకరితో జరిపే ఆసక్తికరమైన సంభాషణతో ప్రారంభమయ్యే సీజన్ 2ను ZEE5లో ప్రేక్షకులకు అందించడం మాకు చాలా ఆనందంగా ఉంది.’’ అని ప్రకటించారు.

ఈ కొత్త సీజన్, తెలుగు ప్రేక్షకులు తెరపై అభిమానించే వ్యక్తులకు వారిని మరింత చేరువ చేయాలనే లక్ష్యంతో రూపొందించబడింది. హాస్యం, పాత జ్ఞాపకాలు, ఆలోచనలు, వ్యక్తిగత అనుభవాలను మేళవించి, ప్రామాణికమైన సంభాషణలు మరియు వ్యక్తుల ప్రయాణాలను ప్రధానంగా నిలబెడుతూ, ‘జయమ్ము నిశ్చయమ్ము రా విత్ జగపతి’ సంప్రదాయ ప్రచార ఇంటర్వ్యూలకు ఒక సరికొత్త ప్రత్యామ్నాయాన్ని అందిస్తుంది.