చైనాకు క్షమాపణ చెప్పే ప్రసక్తే లేదు

బెలూన్‌ కూల్చివేసిన ఘటనపై చైనాకు క్షమాపణలు చెప్పే ఉద్దేశమే తనకు లేదని అమెరికా అధ్యక్షుడు జో బైడెన్‌ తాజాగా స్పష్టం చేశారు. అయితే త్వరలో తాను చైనా అధ్యక్షుడు జీ జింగ్‌పింగ్‌తో మాట్లాడే అవకాశం ఉందని బైడెన్‌ సూచించారు. ఇటీవల అమెరికా గగనతలంలో చైనా బెలూన్‌ను అమెరికా యుద్ధ విమానాలు కూల్చేసిన విషయం విదితమే. ఆ బెలూన్‌ నిఘా కోసం ఉద్దేశించినదని అమెరికా ఆరోపించగా, ఈ ఆరోపణను చైనా తోసిపుచ్చింది. అది వాతావరణ అధ్యయనం కోసం ప్రయోగించిన బెలూన్‌ అని చైనా స్పష్టం చేసింది. అయితే ఈ ఘటన రెండు దేశాల మధ్య దౌత్యపరమైన ఉద్రిక్తతలకు దారి తీసింది.