T20 World Cup: రెండేళ్లలో రెండు టీ20 ప్రపంచకప్లు.. ఆ 10 మంది అరుదైన రికార్డు!
- Published By: Phanindra
- March 13, 2026 / 08:47 AM IST
ఏ క్రికెటర్కైనా తన జీవితకాలంలో ఒక్కసారైనా ప్రపంచకప్ ట్రోఫీని (T20 World Cup) ముద్దాడటం ఒక కల. అలాంటిది కేవలం రెండేళ్ల వ్యవధిలో ఏకంగా రెండుసార్లు విశ్వవిజేతలుగా నిలిచే అదృష్టం వస్తే ఆ ఆనందానికి అవధులుండవు. సరిగ్గా ఇలాంటి అరుదైన ఘనతనే భారత జట్టులోని పది మంది స్టార్లు సొంతం చేసుకున్నారు. 2024లో అమెరికా-వెస్టిండీస్ వేదికగా టీ20 వరల్డ్ కప్ (T20 World Cup) గెలిచిన జట్టులో సభ్యులుగా ఉన్న సూర్యకుమార్ యాదవ్, హార్దిక్ పాండ్యా, జస్ప్రీత్ బుమ్రా, ఇషాన్ కిషన్, శివమ్ దూబే, సంజూ శాంసన్, అర్ష్దీప్ సింగ్, అక్షర్ పటేల్, కుల్దీప్ యాదవ్, మహ్మద్ సిరాజ్లు.. తాజాగా 2026లో సొంతగడ్డపై మరోసారి కప్పును ఎత్తి మురిసిపోయారు.
నాడు క్యాచ్తో.. నేడు కెప్టెన్గా..
2024 ఫైనల్లో దక్షిణాఫ్రికాపై డేవిడ్ మిల్లర్ కొట్టిన బంతిని బౌండరీ లైన్ వద్ద సూర్యకుమార్ పట్టిన అద్భుతమైన క్యాచ్తో భారత్కు కప్పును (T20 World Cup) అందించడంలో ఎంతటి కీలక పాత్ర పోషించిందో తెలిసిందే. అదే సూర్య ఇప్పుడు 2026లో ఏకంగా కెప్టెన్గా తన వ్యూహాలతో జట్టును ముందుండి నడిపించి ట్రోఫీ అందించాడు. లీగ్ దశలో అమెరికాపై (49 బంతుల్లో 84 రన్స్) కీలక ఇన్నింగ్స్ ఆడిన సూర్య.. బ్యాటర్గా కన్నా నాయకుడిగా తన మార్క్ చూపించాడు.
ఇవి కూడా చదవండి
మరోవైపు, పేస్ దళపతి జస్ప్రీత్ బుమ్రా తన మాయను కొనసాగించాడు. 2024లో 15 వికెట్లు పడగొట్టిన అతడు, 2026లోనూ 14 వికెట్లతో ఉమ్మడి అత్యధిక వికెట్ల వీరుడిగా నిలిచాడు. ముఖ్యంగా ఇంగ్లండ్తో సెమీస్, న్యూజిలాండ్తో ఫైనల్లో బుమ్రా వేసిన మ్యాచ్ విన్నింగ్ స్పెల్స్ (T20 World Cup) అతని స్థాయిని మరోసారి ప్రపంచానికి చాటాయి.
