‘Climate Economy’: వేడిని కూడా అమ్మేస్తున్న థాయ్‌లాండ్..!

— సూర్య ప్రకాష్ జోశ్యుల

థాయ్‌లాండ్. ప్రపంచ ఆర్థిక వ్యవస్థను మార్చిన ప్రతి యుగానికి ఒక పేరు ఉంది.

ఒకప్పుడు…

Oil Economy.

చమురు ఉన్న దేశాలు ప్రపంచాన్ని శాసించాయి.

తర్వాత…

Digital Economy.

ఇంటర్నెట్ ప్రపంచాన్ని మార్చేసింది.

ఇప్పుడు…

AI Economy.

కృత్రిమ మేధస్సు ప్రపంచ వ్యాపారాలను తిరగరాస్తోంది.

అయితే… ఈ మార్పుల మధ్య నెమ్మదిగా ఇంకో కొత్త పదం వినిపిస్తోంది.

Climate Economy.

ఎందుకంటే…

ఇప్పుడు ప్రపంచాన్ని మార్చేది టెక్నాలజీ మాత్రమే కాదు… వాతావరణం కూడా. ఎండలు పెరుగుతున్నాయి.
వేడి చాలా మామూలు విషయంగా మారుతోంది. దాంతో…Cooling Economy పుడుతోంది. అప్పుడు ఒక ప్రశ్న వస్తుంది.

“ఈ వేడి వల్ల అసలు ఎవరు సంపాదిస్తున్నారు?”

జవాబు…

థాయ్‌లాండ్.

యూరప్‌కు విపత్తు… థాయ్‌లాండ్‌కు బిజినెస్

ఈ ఏడాది యూరప్ మరోసారి తీవ్ర హీట్‌వేవ్‌లతో అల్లాడుతోంది. ఫ్రాన్స్, జర్మనీ, స్పెయిన్, ఇటలీ వంటి దేశాల్లో ప్రజలు అసాధారణ ఉష్ణోగ్రతలను ఎదుర్కొంటున్నారు. ఒకప్పుడు చలిని తట్టుకునేలా నిర్మించిన ఇళ్లు ఇప్పుడు వేడిని బంధించే హీట్ ట్రాప్‌లుగా మారుతున్నాయి.దాంతో పోర్టబుల్ ఏసీలు, కూలింగ్ పరికరాలు, భారీ ఫ్యాన్లకు విపరీతమైన డిమాండ్ ఏర్పడింది.ఈ అవకాశాన్ని వెంటనే అందిపుచ్చుకున్న దేశం… థాయ్‌లాండ్.

ప్రపంచంలోని ప్రధాన ఎయిర్ కండిషనర్ తయారీ కేంద్రాల్లో ఒకటైన థాయ్‌లాండ్, యూరప్‌లో పెరిగిన డిమాండ్‌ను భారీ ఎగుమతులుగా మార్చుకుంది. కేవలం మే నెలలోనే యూరప్‌కు థాయ్‌లాండ్ ఏసీ ఎగుమతులు 41.3 శాతం పెరిగాయి. ఈ ఏడాది తొలి ఐదు నెలల్లోనే యూరప్ మార్కెట్ నుంచి వందల మిలియన్ల డాలర్ల ఆదాయం వచ్చింది.

అంతేకాదు…

“యూరప్‌లో మండిపోతున్న ఎండల నుంచి తప్పించుకోవాలా? మా దేశంలోని చల్లని వర్షాకాలాన్ని ఆస్వాదించండి” అంటూ అదే హీట్‌వేవ్‌ను టూరిజం ప్రచారంగా కూడా మార్చుకుంది.

అంటే…

ఒకే సమస్యను రెండు బిజినెస్‌లుగా మార్చుకుంది.

ఒకటి…

ఏసీల ఎగుమతి.

మరొకటి…

పర్యాటకం.

యూరప్‌లో ఏసీలు ఎందుకు తక్కువ?

మన దగ్గర ఏప్రిల్-మేలో 45 డిగ్రీల ఉష్ణోగ్రతలు కొత్త విషయం కాదు. కానీ యూరప్‌లో మాత్రం ఇలాంటి ఎండలకు ఇళ్లు, నగరాలు సిద్ధంగా లేవు.

అక్కడ పరిస్థితి ఎందుకు ఇలా ఉంది?

అక్కడ ఎక్కువ కాలం చలి వాతావరణమే ఉంటుంది. ఇళ్లను వేడిని బయటకు పోనివ్వకుండా నిర్మిస్తారు. గతంలో వేసవులు ఇంత తీవ్రంగా ఉండేవి కావు. అందుకే చాలా ఇళ్లలో ఇప్పటికీ ఏసీలు ఉండవు. ఇప్పుడు క్లైమేట్ చేంజ్‌తో పరిస్థితి పూర్తిగా మారుతోంది. ప్రజలు పెద్దఎత్తున ఏసీలు కొనడం ప్రారంభించారు.

మన దేశంలో ఏసీ అంటే సాధారణ విషయం. కానీ యూరప్‌లో ఇప్పటికీ చాలా ఇళ్లలో అది విలాస వస్తువుగానే ఉండేది. ఇప్పుడు అదే అవసరంగా మారుతోంది.

ఇదే మొదటిసారి కాదు

ప్రపంచ ఆర్థిక చరిత్రను గమనిస్తే ప్రతి పెద్ద సంక్షోభం ఒక కొత్త మార్కెట్‌ను సృష్టించింది.

కోవిడ్-19

లాక్‌డౌన్‌లతో ప్రపంచం ఆగిపోయింది.

ఆఫీసులు మూతపడ్డాయి.

స్కూళ్లు మూసివేశారు.

ఇంటి నుంచే పని ప్రారంభమైంది.

దీంతో Zoom, Microsoft Teams, Google Meet వంటి వీడియో మీటింగ్ ప్లాట్‌ఫారమ్‌లు ప్రపంచవ్యాప్తంగా విపరీతంగా పెరిగాయి.

ఒక సంక్షోభం… కొత్త మార్కెట్‌ను సృష్టించింది.

ఉక్రెయిన్ యుద్ధం

రష్యా గ్యాస్‌పై ఆధారపడిన యూరప్…

యుద్ధం తర్వాత అమెరికా, ఖతార్ వంటి దేశాల నుంచి LNG దిగుమతులను భారీగా పెంచుకుంది.

ఒక భౌగోళిక సంక్షోభం… ప్రపంచ ఇంధన వ్యాపారాన్ని మార్చేసింది.

ఎలక్ట్రిక్ వాహనాల బూమ్

కాలుష్యం…

కార్బన్ ఉద్గారాలు…

క్లైమేట్ చేంజ్…

ఈ మూడు కారణాలతో Tesla, BYD వంటి కంపెనీలు ప్రపంచ మార్కెట్‌లో వేగంగా ఎదిగాయి.పర్యావరణ ఆందోళన… కొత్త ఆటోమొబైల్ మార్కెట్‌ను సృష్టించింది.

హీట్‌వేవ్‌లు – సోలార్ పరిశ్రమ

ఎండలు పెరిగాయి. కరెంట్ బిల్లులు పెరిగాయి. దాంతో…సోలార్ ప్యానెల్స్… రూఫ్‌టాప్ సోలార్…బ్యాటరీ స్టోరేజ్… ప్రపంచవ్యాప్తంగా వేగంగా విస్తరించాయి.

నీటి కొరత – వాటర్ టెక్నాలజీ

మధ్యప్రాచ్యం…

ఆఫ్రికా…

కాలిఫోర్నియా…

నీటి కొరత పెరగడంతో… Desalination…Water Recycling…Smart Irrigation…వంటి పరిశ్రమలు భారీగా ఎదిగాయి.

రేపటి Climate Economy ఎలా ఉండబోతోంది?

వాతావరణ మార్పుల వల్ల ప్రజల కొనుగోలు అలవాట్లు, పెట్టుబడులు, వ్యాపారాలు మారితే… ఆ కొత్త ఆర్థిక వ్యవస్థనే Climate Economy అంటారు.

భవిష్యత్తులో ఇళ్ల నిర్మాణాలు వేడిని లోపలికి రానివ్వకుండా ఉండే స్మార్ట్ మెటీరియల్స్‌తో మారబోతున్నాయి. వాతావరణ నష్టాలను అంచనా వేసే క్లైమేట్ ఇన్సూరెన్స్ రంగం కొత్త రూపు దాల్చబోతోంది. నీటి కొరతను అధిగమించే Desalination, Water Recycling టెక్నాలజీలకు భారీ డిమాండ్ ఏర్పడే అవకాశం ఉంది.

అంటే…

రేపటి ప్రపంచంలో సంపదను నిర్ణయించేది కేవలం చమురు కాదు… వాతావరణాన్ని అవకాశంగా మార్చుకునే సాంకేతికత కూడా.

భారత్‌కు ఈ అవకాశం దక్కుతుందా?

భారత్ ఇప్పటికే ప్రపంచంలో ప్రధాన ఏసీ తయారీ కేంద్రాల్లో ఒకటిగా ఎదుగుతోంది. ‘మేక్ ఇన్ ఇండియా’, పీఎల్‌ఐ (PLI) పథకాలతో అనేక అంతర్జాతీయ కంపెనీలు భారత్‌లో తయారీని పెంచుతున్నాయి. యూరప్‌లో హీట్‌వేవ్‌ల కారణంగా కూలింగ్ ఉత్పత్తులకు డిమాండ్ మరింత పెరిగితే భారతీయ తయారీదారులకు కూడా కొత్త ఎగుమతి అవకాశాలు తెరుచుకునే అవకాశం ఉంది.

అయితే… అవకాశం ఒక్కటే సరిపోదు.చైనా, థాయ్‌లాండ్ వంటి దేశాలతో పోటీ పడాలంటే… భారీ ఉత్పత్తి సామర్థ్యం (Scale), పోటీ ధరలు (Competitive Pricing), అధిక ఇంధన సామర్థ్యం (Energy Efficiency),. బలమైన సరఫరా గొలుసు (Supply Chain) ఈ నాలుగు అంశాల్లో భారత్ మరింత బలపడాల్సి ఉంటుంది.

ముగింపు: ప్రపంచంలో అత్యంత విలువైన వనరు… చమురా? చల్లదనమా?

యూరప్‌కు హీట్‌వేవ్ ఒక సంక్షోభం.థాయ్‌లాండ్‌కు అది ఒక వ్యాపార అవకాశం.

రేపు నీటి కొరత పెరిగితే…Desalination కంపెనీలు ఎదుగుతాయి.

వరదలు పెరిగితే… Climate Insurance మార్కెట్ విస్తరిస్తుంది.

ఎండలు మరింత పెరిగితే…Cooling Technology ప్రపంచంలోనే అత్యంత కీలక పరిశ్రమగా మారవచ్చు.

అంటే… భవిష్యత్తులో అత్యంత విలువైన సహజ వనరు చమురు కాకపోవచ్చు… “వాతావరణాన్ని అవకాశంగా మార్చుకునే సామర్థ్యం” కావచ్చు.

అయితే మన ముందున్న ఏకైక ప్రశ్న ఈ కొత్త Climate Economyలో భారత్ కూడా అవకాశాలను అమ్ముకునే దేశంగా మారుతుందా… లేక ఆ అవకాశాలను కొనుగోలు చేసే దేశంగానే మిగిలిపోతుందా?

ఎందుకంటే…

ప్రపంచ చరిత్ర ఒక విషయాన్ని ఎప్పుడూ మార్చలేదు.

ప్రతి పెద్ద సంక్షోభం… ఒక కొత్త ఎకానమీని పుట్టించింది.

Climate Change కూడా ఇప్పుడు అదే చేస్తోంది.