బీజేపీ ఎమ్మెల్యే రాజాసింగ్ సంచలన ప్రకటన

గోషామహాల్‍ బీజేపీ ఎమ్మెల్యే రాజాసింగ్‍ సంచలన నిర్ణయం తీసుకున్నారు. గోషామహాల్‍ అభివృద్ధి కోసం ఎమ్మెల్యే పదవికి రాజీనామా చేస్తానని ఆయన కీలక ప్రకటన చేశారు. తన ఎమ్మెల్యే పదవికి రాజీనామా చేయమని నియోజకవర్గ ప్రజలు ఒత్తిడి చేస్తున్నారని అన్నారు. ముఖ్యమంత్రి కేసీఆర్‍ నిధులు ప్రకటించిన వెంటనే స్పీకర్‍ను కలిసి రాజీనామా లేఖ ఇస్తానని పేర్కొన్నారు. ఉప ఎన్నిక వస్తే కేసీఆర్‍కు బడుగులు, రైతులపై ప్రేమ వస్తోందన్నారు. హుజూరాబాద్‍లో గెలవడానికి ప్యాకేజీలను ప్రకటించారు. అంతేకాకుండా గోషామహాల్‍ నియోజకవర్గంలోని ఎస్సీ, ఎస్టీ, బీసీలకు సైతం పది లక్షలు ఇవ్వాలని డిమాండ్‍ చేశారు. ఇస్తే ఖచ్చితంగా స్పీకర్‍ దగ్గరకు వెళ్లి రాజీనామా పత్రాన్ని అందజేస్తానని రాజాసింగ్‍ స్పష్టం చేశారు.