రాష్ట్రపతి ద్రౌపది ముర్ముకు కంటి ఆపరేషన్.. విశ్రాంతి అవసరమన్న వైద్యులు

భారత రాష్ట్రపతి ద్రౌపది ముర్ముకు ఢిల్లీలోని ఆర్మీ ఆస్పత్రిలో శస్త్రచికిత్స జరిగింది. ఆమె ఎడమ కంటికి ఈ శస్త్రచికిత్స జరిగిందని అధికారులు తెలిపారు. ఆర్మీ ఆస్పత్రికి చెందిన ఎస్​కే మిశ్ర, ఆయన వైద్య బృందం ఆదివారం ఉదయం 11:30 గంటలకు ఈ ఆపరేషన్​ చేశారు. సర్జరీ అనంతరం మధ్యాహ్నం 1:30 గంటలకు ముర్మును డిశ్చార్జ్ చేశారు. ఈ క్రమంలో రాష్ట్రపతికి కొన్నిరోజుల పాటు విశ్రాంతి అవసరమని వైద్యులు చెప్పారు. ‘ఈ రోజు రాష్ట్రపతి ద్రౌపది ముర్ముకు కంటి ఆపరేషన్​ విజయవంతంగా జరిగింది. ఆస్పత్రి నుంచి ఆమె డిశ్చార్జ్​ అయ్యారు. కొద్ది రోజులు విశ్రాంతి అవసరమని వైద్యులు తెలిపారు’ అని రాష్ట్రపతి భవన్​ ప్రతినిధి అధికారికంగా ప్రకటించారు. భారతదేశానికి 15వ రాష్ట్రపతిగా ఎన్నికైన 64 ఏళ్ల ద్రౌపది ముర్ము.. ఈ ఏడాది జూలై 25న రాష్ట్రపతి బాధ్యతలు చేపట్టిన సంగతి తెలిసిందే.