విదేశాల నుంచి తీసుకువచ్చే కుక్కలపై… అమెరికా నిషేధం!

అగ్రరాజ్యం అమెరికా కుక్కల దిగుమతిపై కీలక నిర్ణయం తీసుకుంది. ఆయా దేశాల నుంచి తీసుకొచ్చే కుక్కలపై ఏడాది పాటు నిషేధం విధిస్తూ ఆ దేశ ఆరోగ్య శాఖ ఉత్తర్వులు జారీ చేసింది. పెంపుడు కుక్కలు లేదా అమ్మకం, దత్తత ద్వారా దేశంలోకి తీసుకువచ్చే కుక్కలపై ఈ నిషేధం విధించింది. అయితే ఇప్పటికే దేశంలోకి తీసుకొచ్చిన కుక్కలను రేబిస్‍ వ్యాక్సినేషన్‍ జరిగినట్లు తగిన ఆధారాలు చూపించాల్సి ఉంటుంది. పూర్తిగా వ్యాక్సినేషన్‍ చేయడానికి తగినంత వయసు లేనప్పటికీ  తప్పుడు ధృవపత్రాలు చూపించి వాటిని దేశంలోకి తీసుకొస్తున్నారని, అ•దుకే విదేశాల నుంచి తీసుకువస్తున్న ఈ కుక్కలపై నిషేధం విధించినట్లు పేర్కొంది. జులై 14 నుంచి ఈ నిషేధం అమల్లోకి వస్తుందని సెంట్రల్‍ ఫర్‍ డిసీజ్‍ కంట్రోల్‍ అండ్‍ ప్రివెన్షన్‍ (సిడిసి) ఈ ప్రకటన జారీ చేసింది.

అమెరికాకు ప్రతి యేటా సుమారు 10 లక్షల కుక్కలు దిగుమతి అవుతుంటాయని సిడిసి అధికారులు తెలిపారు. వీటిలో  దాదాపు 4 శాతం నుంచి 7.5 శాతం కుక్కలపై ఈ నిషేధం ఎఫెక్ట్ ఉంటుందని అధికారులు వెల్లడించారు. అయితే కొన్ని  పరిస్థితుల్లో ఈ ఆంక్షలను సడలిస్తామన్నారు. అంధులకు దారిచూపే గైడ్‍ కుక్కలను, అమెరికాకు తమ కుక్కలతో పాటు మారుతున్న విదేశీయులకు ఈ మినహాయింపు ఉంటుందని తెలిపారు. కాగా ఇటీవల తిరస్కరణ అయిన కుక్కల్లో ఎక్కువగా రష్యా, ఉక్రెయిన్‍, కొలంబియా నుంచి దిగుమతి చేసుకునే ఉన్నాయని అధికారులు తెలిపారు.