వాషింగ్ మెషీన్లో దుర్వాసన.. బట్టలకూ వస్తుందా? డ్రమ్ను ఇలా ఈజీగా క్లీన్ చేయండి
- Published By: Bhuvana
- September 29, 2026 / 12:19 PM IST
వాషింగ్ మెషీన్లో ఉతికిన తర్వాత కూడా బట్టలు మురికిగా ఉండి, దుర్వాసన వస్తున్నాయా? డ్రమ్లో పేరుకుపోయే మురికి, ఉప్పు స్పటికాలు (స్కేలింగ్) మరియు బ్యాక్టీరియా వల్ల ఈ సమస్య ఏర్పడుతుంది. దీనికోసం మెషీన్ అమ్మేయడం లేదా రిపేర్కి ఇవ్వడం చేయాల్సిన అవసరం లేదు. ఇంట్లోనే ఉండే సహజ సిద్ధమైన పదార్థాలతో డ్రమ్ను సులువుగా శుభ్రం చేసుకోవచ్చు.
కావలసిన వస్తువులు
నిమ్మకాయ ముక్క
టూత్పేస్ట్
బేకింగ్ సోడా
వెనిగర్
సులువైన క్లీనింగ్ ప్రాసెస్
నిమ్మకాయ, టూత్పేస్ట్ ట్రిక్: ఒక నిమ్మకాయ స్లైస్ (ముక్క) తీసుకోండి. దాని పైన కొద్దిగా టూత్పేస్ట్ అప్లై చేసి, ఆ నిమ్మకాయ ముక్కను నేరుగా వాషింగ్ మెషీన్ డ్రమ్ లోపల వేయాలి.
బేకింగ్ సోడా, వెనిగర్ యాడ్ చేయడం: వాషింగ్ మెషీన్ లోపలి రబ్బర్ అంచులు, మూలల్లో (కార్నర్లలో) తగినంత బేకింగ్ సోడా చల్లాలి. ఆ తర్వాత దానిపై కొద్దిగా వెనిగర్ పోయాలి. ఇవి రెండూ కలిసి కెమికల్ రియాక్షన్ ఏర్పరిచి, మూలల్లో పేరుకుపోయిన మొండి మురికిని వదిలిస్తాయి.
ఇవి కూడా చదవండి
డ్రమ్ క్లీన్ సైకిల్ రన్ చేయడం: పదార్థాలు వేసిన తర్వాత వాషింగ్ మెషీన్ డోర్ మూసి, అందులోని ‘Drum Clean’ లేదా ‘Tub Clean’ ఆప్షన్ను సెలెక్ట్ చేసుకొని మెషీన్ ఆన్ చేయాలి. ఒకవేళ మీ మెషీన్లో ఈ ఆప్షన్ లేకపోతే, నార్మల్ హాట్ వాటర్ వాష్ సైకిల్ను సెలెక్ట్ చేసి రన్ చేయవచ్చు.
ఈ చిట్కాతో కలిగే ప్రయోజనాలు
ఈ చిన్న ప్రాసెస్ పూర్తి కాగానే డ్రమ్లో పట్టిన పాత స్కేలింగ్, దాగి ఉన్న బ్యాక్టీరియా మరియు దుర్వాసన కలిగించే మురికి పూర్తిగా తొలగిపోతాయి. దీనివల్ల వాషింగ్ మెషీన్ డ్రమ్ అద్దంలా మెరిసిపోవడమే కాకుండా, బట్టలు ఉతికినప్పుడు ఎంతో శుభ్రంగా, తాజా సువాసనతో బయటకు వస్తాయి. నెలకోసారి ఈ చిన్న ట్రిక్ ఫాలో అయితే మీ వాషింగ్ మెషీన్ లైఫ్ కూడా పెరుగుతుంది.
Related News
ఫంగస్తో మొక్కల పెరుగుదల దెబ్బతింటుందా? వంట సోడాతో ఇలా చేయండి
స్టీల్ కుళాయిపై సున్నపుగార పోవట్లేదా..! వెనిగర్తో ఇలా శుభ్రం చేస్తే మెరిసిపోతుంది!
కాఫీ పొడి గడ్డకట్టకుండా ఉండాలా? ఈ చిన్న చిట్కాలు పాటించండి!
వేర్లు లేకపోయినా పుదీనా కాడలతోనే.. ఇలా ఈజీగా కొత్త మొక్కలు పెంచండి!
ఫ్రిజ్ డోర్ రబ్బర్లో మురికి పట్టిందా.. ఇలా చేస్తే ఈజీగా క్లీన్ అవుతుంది!
