దేశంలో కరోనా ఉధృతి…24 గంటల్లో 97 వేల కొత్త కేసులు

దేశంలో కరోనా మహమ్మారి తీవ్రత కొనసాగుతున్నది. గడిచిన 24 గంటల్లో కొత్తగా 96,982 కొవిడ్‍ పాజిటివ్‍ కేసులు నమోదయ్యాయని కేంద్ర కుటుంబ ఆరోగ్యమంత్రిత్వ శాఖ తెలిపింది. మొత్తం పాజిటివ్‍ కేసుల సంఖ్య 1,26,86,049కు పెరిగింది. మహమ్మారి ప్రభావంతో మరో 446 మంది మృత్యువాతపడ్డారు. తాజాగా 50,143 మంది కోలుకొని డిశ్చార్జి అయ్యారు. ప్రస్తుతం దేశంలో యాక్టివ్‍ కేసులు 7,88,223కు చేరాయి. ఇప్పటి వరకు 1,17,32,279 మంది కోలుకోగా మొత్తం 1,65,547 మంది ప్రాణాలు కోల్పోయారు. దేశ వ్యాప్తంగా 8,31,10,926 మందికి వ్యాక్సిన్‍ వేశారు.