Lok Sabha: లోక్‌సభలో స్పీకర్‌‌పై అభిశంసన తీర్మానం పెట్టిన ప్రతిపక్షాలు

పార్లమెంటు బడ్జెట్ సమావేశాల వేళ దేశ రాజధాని ఢిల్లీలో రాజకీయ వాతావరణం ఒక్కసారిగా వేడెక్కింది. లోక్‌సభ (Lok Sabha) స్పీకర్ ఓం బిర్లా వ్యవహార శైలిపై తీవ్ర అసంతృప్తితో ఉన్న ప్రతిపక్ష ‘ఇండియా’ కూటమి (INDIA Bloc) సంచలన నిర్ణయం తీసుకుంది. స్పీకర్‌ను పదవి నుంచి తొలగించాలంటూ మంగళవారం లోక్‌సభ సెక్రటరీ జనరల్‌కు అధికారికంగా తీర్మానాన్ని (Resolution) సమర్పించింది. భారత రాజ్యాంగంలోని ఆర్టికల్ 94 ప్రకారం, స్పీకర్‌పై అవిశ్వాసం తీర్మానం ప్రవేశపెట్టాలంటే కనీసం 14 రోజుల ముందు నోటీసు ఇవ్వాల్సి ఉంటుంది. ఈ నిబంధనను పాటిస్తూ, కాంగ్రెస్ సహా తృణమూల్ కాంగ్రెస్, డీఎంకే, సమాజ్‌వాదీ పార్టీ, ఎన్సీపీ (శరద్ పవార్), శివసేన (యూబీటీ) వంటి దాదాపు అన్ని ప్రధాన ప్రతిపక్ష పార్టీల ఎంపీలు ఈ నోటీసుపై సంతకాలు చేశారు.

ఈ అనూహ్య పరిణామానికి ప్రధాన కారణం లోక్‌సభలో (Lok Sabha) ప్రతిపక్ష నాయకుడు (LoP) రాహుల్ గాంధీని మాట్లాడకుండా అడ్డుకోవడమేనని విపక్షాలు ఆరోపిస్తున్నాయి. సభలో ప్రజా సమస్యలపై రాహుల్ గాంధీ మాట్లాడేందుకు ప్రయత్నించినప్పుడల్లా స్పీకర్ కావాలనే మైక్ కట్ చేస్తున్నారని, అధికార పక్షానికి ఒక న్యాయం, ప్రతిపక్షానికి మరో న్యాయం అన్నట్లుగా (Lok Sabha) సభను నడిపిస్తున్నారని వారు మండిపడుతున్నారు. ఇటీవల రాష్ట్రపతి ప్రసంగానికి ధన్యవాద తీర్మానంపై చర్చ సందర్భంగా రాహుల్ గాంధీ చేసిన ప్రసంగంలోని అనేక భాగాలను తొలగించడం, తాజాగా ఆయనను మాట్లాడనివ్వకపోవడం విపక్షాల ఆగ్రహానికి ఆజ్యం పోసింది. స్పీకర్ రాజ్యాంగబద్ధంగా, నిష్పక్షపాతంగా వ్యవహరించడం లేదని, కేవలం అధికార బీజేపీకి అనుకూలంగా నిర్ణయాలు తీసుకుంటున్నారని కాంగ్రెస్ ఎంపీలు ఆరోపించారు.

చరిత్రలో స్పీకర్‌పై ఇలాంటి తీర్మానం ప్రవేశపెట్టడం చాలా అరుదుగా జరుగుతుంది. అయితే లోక్‌సభలో ఎన్డీయే కూటమికి స్పష్టమైన మెజారిటీ ఉండటంతో ఈ తీర్మానం నెగ్గడం కష్టమేనని రాజకీయ విశ్లేషకులు భావిస్తున్నారు. అయినప్పటికీ (Lok Sabha) స్పీకర్ తీరును దేశ ప్రజల ముందు ఎండగట్టడానికి, పార్లమెంటులో తమ నిరసనను బలంగా వినిపించడానికి ఇదొక రాజకీయ అస్త్రమని ప్రతిపక్ష నేతలు పేర్కొంటున్నారు. కనీసం 50 మందికి పైగా ఎంపీల మద్దతు ఉంటేనే ఈ తీర్మానాన్ని సభలో చర్చకు స్వీకరిస్తారు. ప్రస్తుతం విపక్షాల బలం దీనికి సరిపోతుంది కాబట్టి, రాబోయే 14 రోజుల తర్వాత (Lok Sabha) సభలో దీనిపై ఎటువంటి చర్చ జరుగుతుందనేది ఆసక్తికరంగా మారింది.