Subedaar: సుబేదార్ ఓటీటీ రిలీజ్ అప్డేట్

అనిల్ కపూర్(anil kapoor) ప్రధాన పాత్రలో రూపొందుతున్న యాక్షన్ డ్రామా సుబేదార్(Subedaar) ఫస్ట్ లుక్ విడుదలైనప్పటి నుంచి మంచి చర్చనీయాంశంగా మారింది. “Don’t FK with Subedaar” అనే ట్యాగ్‌లైన్‌తో వచ్చిన పోస్టర్లలో అనిల్ కపూర్ తీవ్ర కోపంతో, గంభీరంగా కనిపిస్తూ అభిమానుల్లో ఆసక్తిని రేకెత్తించారు. గట్టి యాక్షన్, ఎలాంటి రాజీ లేకుండా ముందుకు సాగే పాత్రలో ఆయన కనిపించబోతున్నట్లు టీజర్ స్పష్టం చేసింది. ఈ చిత్రంతో అనిల్ కపూర్ మరోసారి ఇంటెన్స్, నో-హోల్డ్స్-బార్డ్ యాక్షన్ అవతారంలోకి తిరిగి వస్తున్నారని నిర్మాతలు చెబుతున్నారు.

‘సుబేదార్’ ప్రైమ్ వీడియోలో స్ట్రీమింగ్‌కు రానుంది. అయితే విడుదల తేదీని మేకర్స్ ఇంకా అధికారికంగా ప్రకటించలేదు. తాజాగా విడుదలైన ఒక నిమిషం టీజర్‌లో చీకటి గదిలో పాత కుర్చీలో కూర్చున్న అనిల్ కపూర్‌ను చూపించ‌గా, ఆ సన్నివేశాలు ఆసక్తిని పెంచాయి. కథాంశంపై పూర్తి వివరాలు వెల్లడించకపోయినా, ఇది అనిల్ కపూర్ కెరీర్‌లో భిన్నమైన పాత్రగా ఉండబోతుందని చిత్ర బృందం స్పష్టం చేసింది.

ఈ చిత్రాన్ని సురేశ్ త్రివేణి(suresh triveni), విక్రమ్ మల్హోత్రా(Vikram malhotra), అనిల్ కపూర్(Anil Kapoor) కలిసి నిర్మిస్తున్నారు. దర్శకత్వం సురేశ్ త్రివేణిదే. అబండంటియా ఎంటర్‌టైన్‌మెంట్, ఓపెనింగ్ ఇమేజ్, AKFCN బ్యానర్లపై ఈ చిత్రం రూపొందుతోంది. కథను సురేశ్ త్రివేణి మరియు ప్రజ్వల్ చంద్రశేఖర్(prajwal chandra sekhar) సంయుక్తంగా రచించారు. ఫస్ట్ లుక్ విడుదలైనప్పటి నుంచి సోషల్ మీడియాలో మంచి బజ్ నెలకొనగా, ప్రస్తుతం ఈ చిత్రానికి IMDb రేటింగ్ అందుబాటులో లేదు.