ఫైజర్ టీకాకు అమెరికా అనుమతి

కరోనా వైరస్‍ నియంత్రణ కోసం ఫైజర్‍ రూపొందించిన టీకా అత్యవసర వినియోగానికి అమెరికా అనుమతి ఇచ్చింది. ఫుడ్‍ అండ్‍ డ్రగ్‍ అడ్మినిస్ట్రేషన్‍ (ఎఫ్‍డీఏ)కు చెందిన నిపుణుల కమిటీ నిర్వహించిన ఓటింగ్‍లో ఫైజర్‍కు గ్రీన్‍సిగ్నల్‍ దక్కింది. ఓటింగ్‍లో పాల్గొన్న 17 మంది అనుకూలంగా ఓటు వేయగా, నలుగురు వ్యతిరేకించారు. ఫైజర్‍- బయోఎన్‍టెక్‍ కోవిడ్‍ 19 టీకా వల్ల 16 ఏళ్లు దాటిన వారిలో ఎటువంటి ఇబ్బందులు కలగలేదని గుర్తించారు. ఇప్పటికే ఫైజర్‍ టీకాకు బ్రిటన్‍, కెనడా, బహ్రాయిన్‍, సౌదీ అరేబియాలో ఆమోదం తెలిపాయి. రష్యా, చైనాకు చెందిన వ్యాక్సిన్లను ఇప్పటికే పంపిణీ చేస్తున్నారు. బ్రిటన్‍లో 90 ఏళ్ల బామ్మకు తొలి ఫైజర్‍ టీకాను ఇచ్చిన విషయం తెలిసిందే. అయితే అలర్జీ ఉన్న వాళ్లు ఆ టీకాను వేసుకోవద్దు అంటూ బ్రిటన్‍ ప్రభుత్వం ఆదేశాలు కూడా జారీ చేసింది.