TAGB: TAGB ప్రస్థానంలో సరికొత్త రికార్డులు… పదవీ విరమణ చేసిన 2025-26 కార్యవర్గం

Tagb Boston 2025 26 Executive Committee Completes Term As President Srinivas Gondi Highlights Key Successes

Published By: Vishal
February 5, 2026 / 10:44 AM IST

TAGB: బోస్టన్ తెలుగు సంఘం (TAGB) 2025-26 కార్యవర్గం తమ పదవీ కాలాన్ని విజయవంతంగా పూర్తి చేసుకుని బాధ్యతల నుంచి విరమణ చేసింది. సుమారు 42 ఏళ్ల సుదీర్ఘ చరిత్ర కలిగిన ఈ సంస్థను తమ హయాంలో సరికొత్త శిఖరాలకు చేర్చినట్లు అధ్యక్షుడు గొంది శ్రీనివాస్ తన వీడ్కోలు సందేశంలో పేర్కొన్నారు. గత రెండేళ్లుగా తనకు అండగా నిలిచిన వాలంటీర్లు, కార్యకర్తలు, కార్యవర్గ సభ్యులకు ఆయన హృదయపూర్వక ధన్యవాదాలు తెలిపారు.

శ్రీనివాస్ తన హయాంలో సాధించిన కీలక మైలురాళ్లను ఈ సందర్భంగా గుర్తుచేసుకున్నారు.

రికార్డు స్థాయి స్పాన్సర్‌షిప్: సంస్థ చరిత్రలో ఎన్నడూ లేని విధంగా 14 మంది గ్రాండ్ స్పాన్సర్లు ముందుకు రావడం విశేషం.

ప్రతిష్టాత్మక వేదికలు – మెగా ఈవెంట్స్: మెకానిక్స్ హాల్ వంటి ఐకానిక్ వేదికపై అనూప్ రూబెన్స్ మ్యూజికల్ షో, అలాగే మనీషా, అదితి, పృథ్వీ, షణ్ముఖప్రియ వంటి ప్రముఖ కళాకారులతో నిర్వహించిన మెగా ఈవెంట్స్ సభ్యులను అలరించాయి.

నూతన హంగులు: సంస్థకు సరికొత్త లోగో రూపకల్పన, ప్రత్యేకంగా ‘TAGB సాంగ్’ను రూపొందించడం ద్వారా సంఘం గుర్తింపును మరింత పెంచారు.

సాంకేతిక విప్లవం: సభ్యుల సౌకర్యార్థం ఆధునిక ‘జెఫ్ఫీ (Jeffy)’ టికెటింగ్ ప్లాట్‌ఫారమ్‌ను పరిచయం చేయడంతో పాటు, సరికొత్త వెబ్‌సైట్‌ను అందుబాటులోకి తెచ్చారు.

ప్రత్యేక పోటీలు, కార్యక్రమాలు: మిసెస్ TAGB, మిస్టర్ TAGB, టీన్ TAGB పేజెంట్స్‌తో పాటు మహిళల కోసం ప్రత్యేకంగా నిర్వహించిన ‘ఉమెన్స్ నైట్’ వంటి కార్యక్రమాలు తమ హయాంలో సాధించిన గొప్ప విజయాలని శ్రీనివాస్ వెల్లడించారు.

సంస్థ ప్రతిష్టను మరింత పెంచేలా తమ కార్యవర్గం పని చేసినందుకు ఎంతో గర్వంగా ఉందని ఆయన ఆనందం వ్యక్తం చేశారు.