Trisha: రూమ‌ర్ల‌పై త్రిష ఇన్ డైరెక్ట్ పోస్ట్

Published By: techteam
June 24, 2025 / 07:52 PM IST

త‌మిళ హీరో విజ‌య్(Vijay), త్రిష(trisha) రిలేషన్ లో ఉన్నార‌నే వార్త‌లు గ‌త కొన్నాళ్లుగా తెగ వినిపిస్తున్నాయి. దానికి త‌గ్గ‌ట్టే వారిద్ద‌రూ క‌లిసి జ‌ర్నీలు చేయ‌డం, ఇద్ద‌రూ గోవాలో జ‌రిగిన కీర్తి సురేష్(keerthy suresh) పెళ్లికి హాజ‌ర‌వ‌డం ఆ పుకార్ల‌ను నిజ‌మ‌నుకునేలా చేశాయి. మొన్న విజ‌య్ పుట్టిన రోజు సంద‌ర్భంగా అత‌నికి బ‌ర్త్ డే విషెస్ తెలుపుతూ త్రిష ఓ స్పెష‌ల్ ఫోటోతో పాటూ హ‌గ్ సింబ‌ల్ ను జోడించి విష్ చేసింది.

అది చాల‌ద‌న్న‌ట్టు ఆ పోస్ట్ ను త్రిష త‌ల్లి షేర్ చేస్తూ దానికి ల‌వ్ ఎమోజీలు యాడ్ చేసి ఇన్ స్టాలో స్టోరీ గా పెట్టింది. దీంతో త్రిష‌, విజ‌య్ రిలేష‌న్ లో ఉన్నార‌ని అంద‌రూ ఫిక్సైపోయి ఇష్ట‌మొచ్చిన‌ట్టు క‌థ‌నాలు రాస్తున్నారు. అయితే ఎన్ని వార్త‌లొచ్చినా ఈ విష‌యంలో అటు త్రిష కానీ, ఇటు విజ‌య్ కానీ ఎప్పుడూ వాటిని ఖండించింది లేదు, ఒప్పుకుంది లేదు.

ఇదిలా ఉంటే తాజాగా త్రిష ఆ రూమ‌ర్ల‌పై ఇన్‌డైరెక్ట్ గా స్పందిస్తూ ఇన్ స్టాలో ప్రేమ‌పై ఓ స్టోరీని పెట్టింది. ప్రేమ‌లో మునిగిపోతే అది మిగిలిన వారిని తిక‌మ‌క‌కు గురిచేస్తుంద‌ని ఆమె పోస్ట్ చేసింది. త్రిష, విజ‌య్ ప్రేమ‌లో ఉన్నార‌నే వార్త‌లు విప‌రీతంగా వ‌స్తున్న నేప‌థ్యంలోనే త్రిష ఈ స్టోరీ ను పోస్ట్ చేసింద‌ని నెటిజ‌న్లు అభిప్రాయ‌ప‌డుతున్నారు. కాగా విజ‌య్ ప్ర‌స్తుతం జ‌న నాయ‌గ‌న్ సినిమా చేస్తుండ‌గా, త్రిష విశ్వంభ‌ర సినిమా చేస్తోంది.

https://www.instagram.com/stories/trishakrishnan/3661856447810955390/?hl=en