వరుస విజయాలతో సూర్య ప్రభంజనం!

ఒకప్పుడు ఏడాదికి ఒక సినిమా రిలీజ్ చేయడమే పెద్ద ఛాలెంజ్ గా మారుతున్న పరిస్థితుల్లో, 50 ఏళ్ల వయసులోనూ వరుస ప్రాజెక్టులతో దూసుకుపోతున్నారు తమిళ స్టార్ హీరో సూర్య(Suriya). ఈ ఏడాది మూడు సినిమాలతో ఆడియ‌న్స్ ముందుకు వచ్చి స‌క్సెస్‌ల‌ను అందుకున్న ఆయన, నిర్మాతగానూ తన టాలెంట్ ను చాటుకున్నారు. ముఖ్యంగా సీన్(Scene) సినిమాలో హీరోగా నటించడంతో పాటు నిర్మాణ బాధ్యతలను కూడా సమర్థంగా నిర్వహించారు. క్లిష్టమైన షూటింగ్ షెడ్యూల్స్, బడ్జెట్ లిమిటేష‌న్స్ ఉన్నప్పటికీ అనుకున్న ప్లాన్ ప్రకారం సినిమాను పూర్తి చేయడం విశేషం. నటుడిగా, నిర్మాతగా సూర్య చూపించిన నిబద్ధత ఇప్పుడు అందరి దృష్టిని ఆకర్షిస్తోంది.

గతేడాది రిలీజైన కంగువా(kanguva) ఆశించిన ఫలితాన్ని అందుకోకపోవడంతో సూర్య కెరీర్‌పై అనేక విమర్శలు, సందేహాలు వ్యక్తమయ్యాయి. అయితే అలాంటి ప్రతికూల పరిస్థితుల నుంచి ఆయన అద్భుతంగా పుంజుకున్నారు. ఏడాది తిరిగేలోపే కోలీవుడ్ లో తన స్థానాన్ని మరింత బలోపేతం చేసుకున్నారు. ఫ్లాపుల‌ను పట్టించుకోకుండా కథల ఎంపిక, సినిమాల నిర్మాణం, షూటింగ్ షెడ్యూల్స్‌పై స్పెష‌ల్ ఫోక‌స్ పెట్టి తన పని తాను చేసుకుంటూ ముందుకు సాగుతున్నారు.

ప్రస్తుతం డైరెక్ట‌ర్ టీజే జ్ఞానవేల్‌(TJ Gnanavel)తో ఓ సినిమా చేస్తున్నారు సూర్య. ఈ సినిమాకు సంబంధించిన మెయిన్ షూటింగ్ ఇప్పటికే పూర్తైంది. వచ్చే ఏడాది ప్రారంభంలో మరో రెండు కొత్త ప్రాజెక్టులను పట్టాలెక్కించేందుకు సిద్ధమవుతున్నారు. 2027లో కనీసం రెండు సినిమాలను రిలీజ్ చేయాలనే టార్గెట్ తో పనిచేస్తున్నారు. కెరీర్‌లో ఒడిదుడుకులు ఎదురైనా పట్టుదల, ప్రణాళికాబద్ధమైన పని తీరుతో తిరిగి అగ్రస్థానానికి చేరుకోవచ్చని సూర్య నిరూపిస్తున్నారు. సమయపాలన, ప‌ని ప‌ట్ల డెడికేష‌న్ విషయంలో ఆయన జ‌ర్నీ ఇతర హీరోలకు కూడా ఆదర్శంగా నిలుస్తోంది.