ఓటీటీలోకి జైలర్2.. డిలీటెడ్ సీన్స్‌పై నిరాశ!
- Published By: Sravani
- November 11, 2026 / 05:42 PM IST
సూపర్‌స్టార్ రజనీకాంత్(Rajinikanth) నటించిన యాక్షన్ ఎంటర్టైనర్ జైలర్2(Jailer2) బాక్సాఫీస్ వద్ద భారీ స‌క్సెస్‌ను అందుకున్న సంగతి తెలిసిందే. నెల్సన్ దిలీప్‌కుమార్(Nelson Dileep Kumar) దర్శకత్వంలో తెరకెక్కిన ఈ సినిమా ప్రపంచవ్యాప్తంగా రూ.800 కోట్లకు పైగా క‌లెక్ష‌న్ల‌ను సాధించి రజనీకాంత్ కెరీర్‌లో మరో బిగ్గెస్ట్ హిట్‌గా నిలిచింది. థియేటర్లలో ఆడియ‌న్స్ ను విశేషంగా అలరించిన ఈ సినిమా ఇప్పుడు డిజిటల్ ఆడియ‌న్స్ ను పలకరించేందుకు సిద్ధమైంది. నవంబర్ 12, 2026 నుంచి అమెజాన్ ప్రైమ్ వీడియో(Prime Video)లో స్ట్రీమింగ్ కానుంది.
అయితే ఈ సినిమా ఓటీటీ రిలీజ్‌పై ఫ్యాన్స్ పెట్టుకున్న మరో ఆశ మాత్రం నెరవేరేలా కనిపించడం లేదు. సాధారణంగా థియేటర్లలో రిలీజైన సినిమాలకు ఓటీటీలో ఎక్స్‌ట్రా సీన్స్ జోడిస్తుంటారు. జైలర్2 విషయంలోనూ డిలీటెడ్ సీన్స్ ఉంటాయని చాలామంది భావించారు. కానీ ప్రైమ్ వీడియో అనౌన్స్ చేసిన సమాచారం ప్రకారం డిజిటల్ వెర్షన్ నిడివి 2 గంటల 43 నిమిషాలుగా ఉండనుంది. దీంతో థియేట్రికల్ వెర్షన్‌తో పోలిస్తే ఎలాంటి ఎక్స్‌ట్రా సీన్స్ ఉండవని స్పష్టమవుతోంది. డిలీట్ చేసిన సీన్స్ ను స్పెషల్ గా రిలీజ్ చేస్తారా లేదా అన్నది చూడాలి.
సన్ పిక్చర్స్(Sun Pictures) నిర్మించిన ఈ సినిమాలో రమ్యకృష్ణ(Ramya Krishnan), మోహన్‌లాల్(Mohanlal), శివరాజ్‌కుమార్(Sivaraj Kumar), మిథున్ చక్రవర్తి(Midhun Chakravarthy), విద్యాబాలన్(Vidya Balan), ఎస్.జే. సూర్య(SJ Suryah) తదితరులు కీలక పాత్రలు పోషించారు. అనిరుధ్ రవిచందర్(Anirudh Ravichander) మ్యూజిక్ అందించారు. థియేటర్లలో రికార్డులు సృష్టించిన జైలర్2 ఓటీటీలో ఎలాంటి ఆదరణ దక్కించుకుంటుందో ఆసక్తికరంగా మారింది.
Related News
మెగాస్టార్ చిరంజీవికి ‘ఖైదీ’లా సుడిగాలి సుధీర్ కెరీర్కు ‘గోట్’ కెరీర్‌లో నిలిచిపోతుంది!
“మాయలేడి” థియేటర్స్ లో మీ ఫ్యామిలీ, ఫ్రెండ్స్ తో హ్యాపీగా ఎంజాయ్ చేసేలా మా మూవీ ఉంటుంది – హీరో, ప్రొడ్యూసర్ రాకేష్ వర్రే
మళ్లీ డిస్ట్రిబ్యూషన్ రంగంలో దూకుడు పెంచిన దిల్ రాజు!
గ్యాంగ్స్టార్గా బన్నీ.. లోకేష్ తో భారీ యాక్షన్ డ్రామా!
నితిన్ కొత్త సినిమాకు డైరెక్టర్ ఫిక్స్
