War2: స్పెష‌ల్ సాంగ్ కు నిర్మాత‌ల స్కెచ్

Published By: techteam
August 6, 2025 / 05:27 PM IST

టాలీవుడ్ లోని బెస్ట్ డ్యాన్స‌ర్ల‌లో ఒక‌రైన ఎన్టీఆర్(NTR), బాలీవుడ్ లోని స్టార్ యాక్ట‌ర్ కం డైరెక్ట‌ర్ అయిన హృతిక్ రోష‌న్(Hrtihik roshan) క‌లిసి స్క్రీన్ షేర్ చేసుకోవ‌డ‌మే అంద‌రినీ ఊపిరాడ‌నీయ‌కుండా చేస్తే ఇక వారిద్ద‌రూ క‌లిసి ఓ స్పెష‌ల్ సాంగ్ కోసం క‌లిసి స్టెప్పులేస్తే అది చూడ్డానికి అభిమానుల‌కు రెండు క‌ళ్లు స‌రిపోవ‌న‌డంలో ఎలాంటి అతిశ‌యోక్తి లేదు.

వార్2(war2) సినిమా కోసం ఎన్టీఆర్, హృతిక్ క‌లిసి న‌టించ‌గా ఆ సినిమాలో డైరెక్ట‌ర్ అయాన్ ముఖ‌ర్జీ(ayaan mukharjee) వారిద్ద‌రిపై ఓ స్పెష‌ల్ డ్యాన్స్ నెంబ‌ర్ ను తెర‌కెక్కించాడు. ఈ సాంగ్ లో హృతిక్, ఎన్టీఆర్ ఇద్ద‌రూ పోటీ ప‌డి మ‌రీ న‌టించార‌ని బాలీవుడ్ వ‌ర్గాల నుంచి ఇప్ప‌టికే న్యూస్ లీక‌వ‌గా, ఆ స్పెష‌ల్ డ్యాన్స్ నెంబ‌ర్ ను ఎప్పుడెప్పుడు చూడాలా అని అంద‌రూ ఎంతో ఆతృత‌గా ఎదురుచూస్తున్నారు.

అయితే ఈ సాంగ్ ను మేకర్స్ ముందే రిలీజ్ చేయాల‌నుకోవ‌డం లేద‌ని, కేవ‌లం గ్లింప్స్ ను మాత్ర‌మే రిలీజ్ చేసి సినిమాపై హైప్ ను పెంచి ఆడియ‌న్స్ ను కేవ‌లం ఆ సాంగ్ కోస‌మైనా థియేట‌ర్ల‌కు ర‌ప్పించేలా ప్లాన్ చేస్తున్నార‌ని తెలుస్తోంది. అందులో భాగంగానే యూట్యూబ్ లో ఓ చిన్న టీజ‌ర్ రూపంలో ఆ సాంగ్ ను రిలీజ్ చేయ‌నున్నార‌ట. కాగా వార్2 సినిమా ఆగ‌స్ట్ 14న రిలీజ్ కానున్న విష‌యం తెలిసిందే.