పూరి జగన్నాథ్‌కు కొత్త చిక్కులు.. స్లమ్ డాగ్ రిలీజ్ కు ముందే సవాళ్లు!

సెన్సేషనల్ డైరెక్టర్ పూరి జగన్నాథ్‌(puri jagannath)కు వరుస ఫ్లాపులు కొత్త చిక్కులు తెచ్చిపెడుతున్నాయి. లైగర్(liger), డబుల్ ఇస్మార్ట్(Double ismart) సినిమాలు ఆశించిన ఫలితాలను అందుకోకపోవడంతో పాటు, వాటికి సంబంధించిన ఫైనాన్షియ‌ల్ వివాదాలు కూడా ఇంకా పరిష్కారం కాలేదనే డిస్క‌ష‌న్ ఇండస్ట్రీలో సాగుతోంది. ఈ నేపథ్యంలో విజయ్ సేతుపతి(vijay sethupahti) హీరోగా తెరకెక్కుతున్న‌ స్లమ్ డాగ్: 33 టెంపుల్ రోడ్‌(Slum dog: 33 temple road)పై అందరి దృష్టి పడింది. ఈ సినిమా షూటింగ్ పూర్తై, పోస్ట్ ప్రొడక్షన్ వ‌ర్క్స్ కూడా ఆఖ‌రి దశకు చేరుకున్నట్లు సమాచారం. అయితే ఇప్పటివరకు రిలీజ్ డేట్ పై క్లారిటీ రాకపోవడం ఆసక్తికరంగా మారింది.

ఇదిలా ఉంటే, హనుమాన్(hanuman) నిర్మాత చైతన్య రెడ్డి(chaitanya reddy) ఇటీవల పూరి జగన్నాథ్, ఛార్మి కౌర్‌పై చేసిన ఆరోపణలు టాలీవుడ్‌లో చర్చనీయాంశమయ్యాయి. డబుల్ ఇస్మార్ట్ రిలీజ్ కు ముందు ఇచ్చిన హామీలు, సినిమా కోసం పెట్టిన పెట్టుబడులు, నష్టాల వ్యవహారంలో తమకు ఎదురైన అనుభవాలను ఆమె వెల్లడించారు. సినిమా ఫ్లాపైన తర్వాత పూరి, ఛార్మి(Charmme) తమ వైఖరిని మార్చుకున్నారని, పూరి ఫోన్ నంబర్ మార్చుకోగా, ఛార్మి రెస్పాండ్ అవ‌డం లేదని ఆమె ఆరోపించారు. ఈ పరిణామాలతో పూరి నెక్ట్స్ మూవీ ప్ర‌మోష‌న్స్ పై ప్రభావం పడే అవకాశం కనిపిస్తోంది.

మరోవైపు, స్లమ్ డాగ్ కు సంబంధించిన నాన్ థియేట్రికల్ రైట్స్ డీల్స్ ను పూర్తి చేసి, రిలీజ్ డేట్ ను అనౌన్స్ చేసేందుకు నిర్మాతలు ప్రయత్నిస్తున్నట్లు తెలుస్తోంది. లైగర్ డిస్ట్రిబ్యూట‌ర్ల‌లో కొందరు కూడా ఈ సినిమా రిలీజ్ తో తమ బకాయిల పరిష్కారంపై ఆశలు పెట్టుకున్నట్లు సమాచారం. దీంతో సినిమా ప్రమోషన్లు ప్రారంభమయ్యేలోపు పూరి జగన్నాథ్ ఈ వివాదాలపై ఎలా రియాక్ట్ అవుతున్నార‌న్న‌ది కీలకంగా మారింది. స్లమ్ డాగ్ రిలీజ్ కు ముందే ఆర్థిక లెక్కలు, ఆరోపణలు ఆయనకు పెద్ద సవాలుగా మారాయి.