సంక్రాంతి బరిలో చిరంజీవికి డబుల్ టెన్షన్
- Published By: Sravani
- September 18, 2026 / 06:41 AM IST
సంక్రాంతి సీజన్ అంటేనే టాలీవుడ్లో భారీ సినిమాల పోటీకి కేరాఫ్ అడ్రస్. అలాంటి ప్రతిష్ఠాత్మక సీజన్లో ఇప్పుడు మెగాస్టార్ చిరంజీవి(chiranjeevi)కి ఒకే సమయంలో రెండు సినిమాలు బరిలోకి దిగే పరిస్థితి కనిపిస్తోంది. చిరంజీవి నటిస్తున్న విశ్వంభర(Vishwambhara)ను జనవరి 9న రిలీజ్ చేయాలని మేకర్స్ ఇప్పటికే ప్లాన్ చేశారు. మరోవైపు ప్రస్తుతం షూటింగ్ దశలో ఉన్న కాకా(Kaka) సినిమాను జనవరి 13న ఆడియన్స్ ముందుకు తీసుకురావాలని టీమ్ అనౌన్స్ చేసింది. ఇటీవల చిరంజీవిని కలిసిన తర్వాత కూడా కాకా రిలీజ్ డేట్ విషయంలో ఎలాంటి మార్పు లేదని స్పష్టం చేయడం ఆసక్తిని పెంచుతోంది.
ఇక్కడ అసలు ఆసక్తికరమైన విషయం రెండు సినిమాల రిలీజ్ డేట్స్ కంటే.. చిరంజీవి తీసుకోబోయే డెసిషనే. ఒకే హీరో నటించిన రెండు సినిమాలు కేవలం నాలుగు రోజుల గ్యాప్లో థియేటర్లలోకి వస్తే, వాటి మధ్య పోటీ అనివార్యంగా మారుతుంది. ముఖ్యంగా సంక్రాంతి సీజన్లో థియేటర్లు, ఆడియన్స్ అటెన్షన్, ఓపెనింగ్స్ విషయంలో భారీ పోటీ ఉంటుంది. దీంతో రెండు సినిమాలకు ఉన్న బిజినెస్ అంచనాలపై కూడా ఎఫెక్ట్ పడే అవకాశం ఉంటుంది. అందుకే ఈ రెండు ప్రాజెక్టుల మధ్య సమన్వయం చేయాల్సిన బాధ్యత ఇప్పుడు చిరంజీవిపైనే పడినట్టుగా కనిపిస్తోంది.
అయితే విశ్వంభర ఇప్పటికే చాలా కాలంగా వాయిదాల దశను ఎదుర్కొంటున్న సినిమా కావడంతో దాని రిలీజ్ ను మరోసారి వెనక్కి జరపడం ఎంతవరకు సాధ్యమనే ప్రశ్న కూడా ఉంది. మరోవైపు కాకాను సంక్రాంతి టార్గెట్తో ముందుకు తీసుకెళ్లే ప్రయత్నాలు జరుగుతున్నాయి. దీంతో ఏ సినిమాను సంక్రాంతి బరిలో ఉంచాలి, మరే సినిమాకు సమ్మర్ వంటి ప్రత్యామ్నాయ సీజన్ను సెలెక్ట్ చేయాలన్నది కీలకంగా మారింది. ప్రస్తుతం రెండు టీమ్లతో చిరంజీవి డిస్కషన్స్ జరుపుతున్న నేపథ్యంలో.. ఈ డబుల్ రిలీజ్ ప్లాన్ చివరకు ఎలాంటి మలుపు తీసుకుంటుందో చూడాలి.
