గ్లామ‌ర‌స్ హీరోయిన్ కు స్టార్ హీరోల సినిమాల్లో నెగిటివ్ రోల్ ఛాన్స్?

టాలీవుడ్‌లో గ్లామర్ రోల్స్‌తో గుర్తింపు తెచ్చుకున్న హీరోయిన్ డింపుల్ హ‌యాతి(DImple Hayathi) ఇప్పుడు తన కెరీర్‌లో కీలక మలుపు వైపు అడుగులు వేస్తున్నట్లు తాజా సమాచారం సూచిస్తోంది. ఇప్పటివరకు ప్రధానంగా గ్లామర్‌కు ప్రాధాన్యం ఉన్న పాత్రలలోనే కనిపించిన ఈ నటి, ఈసారి పూర్తిగా భిన్నమైన నెగెటివ్ షేడ్స్ ఉన్న పాత్రతో ప్రేక్షకుల ముందుకు రానుందనే వార్తలు ఆసక్తి రేకెత్తిస్తున్నాయి. ఇటీవల ర‌వితేజ(Raviteja) నటించిన భర్త మహాశ‌యులకి విజ్ఞప్తి(Bhartha mahasayulaki wignyathi) లో కనిపించిన డింపుల్, నటన పరంగా తన సామర్థ్యాన్ని నిరూపించుకునే అవకాశాల కోసం ఎదురుచూస్తున్నట్లు ఇండస్ట్రీ వర్గాలు చెబుతున్నాయి.

ప్రస్తుతం చిరంజీవి(Chiranjeevi) హీరోగా, K. S. ర‌వీంద్ర(KS Ravindra) దర్శకత్వంలో రూపొందుతున్న భారీ ప్రాజెక్ట్‌లో డింపుల్ నెగెటివ్ పాత్రలో కనిపించే అవకాశమున్నట్లు వార్తలు వినిపిస్తున్నాయి. ఈ ప్రాజెక్ట్‌లో ఆమె పాత్ర కథలో కీలక మలుపు తిప్పే విధంగా ఉంటుందని టాక్. ఇదే సమయంలో, గతంలో నంద‌మూరి బాల‌కృష్ణ(Nandamuri Balakrishna) తదుపరి సినిమాలో కూడా ఆమెకు నెగెటివ్ రోల్ ఆఫర్ చేశారనే ప్రచారం జరిగింది. అయితే ఆ ప్రాజెక్ట్ డైరెక్టర్ గోపీచంద్ మ‌లినేని(Gopichand Malineni) ఈ వార్తలను పరోక్షంగా ఖండించడం గమనార్హం.

రెండు పెద్ద ప్రాజెక్ట్‌లతో ఆమె పేరు అనుసంధానమవడం, అందులోనూ నెగెటివ్ పాత్రలకే ఎంపిక కావడం ఆసక్తికర పరిణామంగా మారింది. డింపుల్ హయాతికి గ్లామర్ మాత్రమే కాకుండా నటనలోనూ సామర్థ్యం ఉన్నప్పటికీ, ఇప్పటివరకు ఆమెకు పూర్తి స్థాయి పాత్రలు దక్కలేదనే అభిప్రాయం ఉంది. ఇక చిరంజీవి, బాలకృష్ణ సినిమాల ప్రీ-ప్రొడక్షన్ పనులు వేగంగా సాగుతున్న నేపథ్యంలో, డింపుల్ కెరీర్‌కు ఇది టర్నింగ్ పాయింట్ అవుతుందా అనే ప్రశ్నకు సమాధానం రాబోయే రోజుల్లో స్పష్టమయ్యే అవకాశముంది.