దేవీ శ్రీ ప్ర‌సాద్ మేకోవ‌ర్ నెక్ట్స్ లెవ‌ల్

మ్యూజిక్ డైరెక్ట‌ర్ గా ఎన్నో స‌క్సెస్‌లు అందుకున్న దేవిశ్రీ ప్రసాద్(Devi sri prasad) ఇప్పుడు నటుడిగా వెండితెరపై అడుగుపెడుతున్నారు. ఆయన హీరోగా పరిచయం అవుతున్న ఎల్ల‌మ్మ(Yellamma) సినిమాలోని ప‌ర్శి క్యారెక్ట‌ర్ ఫస్ట్ లుక్‌ను ఆయన పుట్టినరోజు సందర్భంగా చిత్రబృందం రిలీజ్ చేసింది. ఈ పోస్టర్‌లో దేవిశ్రీ పూర్తిగా గ్రామీణ యువకుడి గెటప్‌లో కనిపించడం స్పెష‌ల్ ఎట్రాక్ష‌న్ గా మారింది. ఇప్పటివరకు మ్యూజిక్ తో ఆడియ‌న్స్ ను అలరించిన ఆయన, ఈసారి యాక్టింగ్‌తో ఏ స్థాయిలో ఆకట్టుకుంటారనే ఆసక్తి సినీ వర్గాల్లో కనిపిస్తోంది.

బలగం(balagam) సినిమాతో డైరెక్ట‌ర్ గా గుర్తింపు పొందిన వేణు ఎల్దండి(Venu Yeldandi) ఈ సినిమాను తెరకెక్కిస్తున్నారు. పాత్రకు తగ్గట్టుగా దేవిశ్రీని కొత్త రూపంలో ఆవిష్కరించడంలో డైరెక్ట‌ర్ ఆలోచన స్పష్టంగా కనిపిస్తోందనే అభిప్రాయం వ్యక్తమవుతోంది. ముఖ్యంగా పోస్టర్‌లో కనిపించిన అమాయకమైన భావోద్వేగం, సహజమైన గ్రామీణ లుక్ ఆడియ‌న్స్ లో పాత్రపై ఆసక్తిని పెంచింది. నటుడిగా తొలి సినిమా అయినప్పటికీ, ఆయన పాత్రలో పూర్తిగా మమేకమైనట్లు ఫస్ట్ లుక్ ద్వారా సంకేతాలు కనిపిస్తున్నాయి.

దిల్ రాజు(Dil Raju) నిర్మిస్తున్న ఈ సినిమాను పాన్ ఇండియా స్థాయిలో పలు భాషల్లో విడుదల చేయడానికి సన్నాహాలు జరుగుతున్నాయి. ఫస్ట్ లుక్‌తో పాటు రిలీజైన మోషన్ పోస్టర్ కూడా సినిమాపై అంచనాలను మరింత పెంచింది. దేవిశ్రీ ప్రసాద్ సంగీత నేపథ్యానికి తగ్గట్టుగా అందులో వినిపించిన బ్యాక్‌గ్రౌండ్ స్కోర్ మంచి రెస్పాన్స్ అందుకుంటోంది. రిలీజ్ కు ముందే ఎల్లమ్మ పై ఏర్పడుతున్న ఆసక్తి దృష్ట్యా, ఈ సినిమా దేవిశ్రీ ప్రసాద్ కెరీర్‌లో కొత్త అధ్యాయానికి నాంది పలికే అవకాశాలు ఉన్నాయని పరిశ్రమ వర్గాలు భావిస్తున్నాయి.