వరుస ఫ్లాప్ల తర్వాత ఇద్దరు హీరోల కీలక పోరు!
- Published By: Sravani
- August 2, 2026 / 06:30 PM IST
టాలీవుడ్లో ఒకప్పుడు కమర్షియల్ ఎంటర్టైన్మెంట్కు నమ్మకమైన హీరోలుగా నిలిచిన రవితేజ(Raviteja), వరుణ్ తేజ్(Varun Tej) ప్రస్తుతం కెరీర్లో కీలక దశను ఎదుర్కొంటున్నారు. ఇద్దరూ గతంలో మంచి సక్సెస్లు అందుకున్నప్పటికీ, ఇటీవల చేసిన సినిమాలు ఆడియన్స్ ను ఆకట్టుకోవడంలో విఫలమయ్యాయి. ముఖ్యంగా వారి తాజా సినిమాలు బాక్సాఫీస్ వద్ద ఆశించిన స్థాయి ఓపెనింగ్స్, ఫుట్ఫాల్స్ నమోదు చేయకపోవడం ఇండస్ట్రీలో చర్చనీయాంశమైంది. రెగ్యులర్ కమర్షియల్ ఫార్ములా సినిమాలపై ప్రేక్షకుల ఆసక్తి తగ్గిందనే సంకేతాలు కూడా కనిపిస్తున్నాయి. దీంతో ఇద్దరి తర్వాతి సినిమాలపై ప్రత్యేక దృష్టి నెలకొంది.
వరుణ్ తేజ్ నటించిన కొరియన్ కనకరాజు(Korean Kanakaraju) ఆగస్టు 7న ప్రేక్షకుల ముందుకు రానుంది. రీసెంట్ గా రిలీజైన ట్రైలర్కు మంచి రెస్పాన్స్ లభించింది. కొత్త తరహా కథాంశం, వినోదాత్మక ట్రీట్మెంట్ ఈ సినిమాపై ఆసక్తిని పెంచాయి. ఈ సినిమాకు పాజిటివ్ వర్డ్ ఆఫ్ మౌత్ వస్తే వరుణ్ తేజ్కు మళ్లీ ట్రాక్లోకి వచ్చే అవకాశం ఉంది. వరుస ఫ్లాపుల తర్వాత ఈ సినిమా అతని కెరీర్కు కీలక మలుపుగా మారే అవకాశముందని సినీ వర్గాలు భావిస్తున్నాయి.
ఇక రవితేజ ఇరుముడి(Irumudi) సినిమాతో ప్రేక్షకులను పలకరించేందుకు సిద్ధమవుతున్నారు. శివ నిర్వాణ(Shiva Nirvana) దర్శకత్వంలో రూపొందుతున్న ఈ సినిమా ఆయనకు భిన్నమైన ఎమోషనల్ రోల్ను అందించినట్లు కనిపిస్తోంది. కంటెంట్పై కూడా ఇంట్రెస్టింగ్ డిస్కషన్ జరుగుతోంది. ఆగస్టు 21న రిలీజ్ కానున్న ఈ సినిమా సక్సెస్ అయితే రవితేజకు స్ట్రాంగ్ కంబ్యాక్ లభించే అవకాశం ఉంది. మొత్తంగా చూస్తే, ఈ ఆగస్టు నెల రవితేజ, వరుణ్ తేజ్ ఇద్దరి కెరీర్లకు అత్యంత కీలకమైన పరీక్షగా నిలవబోతోంది.
