ఆ దేశంపై ఒత్తిడి.. భారత్ సాయాన్ని కోరిన అమెరికా

ఉక్రెయిన్‌, రష్యా మధ్య నెలకొన్న సంక్షోభ పరిష్కారానికి భారత్‌ సాయాన్ని అమెరికా కోరింది. అంతర్జాతీయ ఒడంబడికలకు కట్టుబడి రష్యా నడుచుకునేలా ఆ దేశంపై ఒత్తిడి తీసుకురావాలని భారత్‌కు సూచించింది. ఉక్రెయిన్‌ అంశంలో పాశ్చాత్య సమాజం అభిప్రాయాలకు భారత్‌ మద్దతుగా నిలవకపోవడం పట్ల అమెరికా అసంతృత్తితో ఉంది. భారత్‌, రష్యా మధ్య ఉన్న బంధం.. భారత్‌, అమెరికాతో ఉన్న బంధం కంటే భిన్నమైదని అమెరికా విదేశాంగ శాఖ అధికార ప్రతినిధి నెడ్‌ ప్రైజ్‌ అన్నారు. అయితే అంతర్జాతీయ ఒప్పందాలను రష్యా అనుసరించేలా ఆ  దేశంపై ఒత్తిడి తీసుకురాగలిగిన దేశాలు తమవంతు కృషి చేయాలని ప్రపంచవ్యాప్తంగా అన్ని దేశాల అభిప్రాయం అని నైడ్‌ ప్రైజ్‌ తెలిపారు. ఈ తరహా అంతర్జాతీయ ఒప్పందాలే భారత్‌కు, అమెరికాకు, ఐరోపా భాగస్వామ్య దేశాలకు రష్యాకు సైతం గత 70 ఏళ్ల కాలంలో ప్రయోజనం చేకూర్చినట్టు తెలిపారు.